ویسٹ انڈیز سے سیریز کیوی ون ڈے ٹیم کا آج اعلان رائیڈر کی واپسی متوقع

ویسٹ انڈیز کے خلاف ون ڈے سیریز کیلیے نیوزی لینڈ اسکواڈ کا اعلان جمعرات کو کرے گا۔فوٹو:فائل

---

ویسٹ انڈیز کے خلاف ون ڈے سیریز کیلیے نیوزی لینڈ اسکواڈ کا اعلان جمعرات کو کرے گا، جیسی رائیڈر کی واپسی متوقع ہے۔

انھوں نے گذشتہ برس فروری کے بعد سے انٹرنیشنل کرکٹ نہیں کھیلی، اس وقت انھیں ڈسپلن کی خلاف ورزی پر ایک میچ سے ڈراپ کردیا تھا، وہ رواں برس کے شروع میں کرائسٹ چرچ میں ایک جھگڑے میں شدید زخمی ہوگئے تھے جس کی وجہ سے کئی روز اسپتال میں داخل رہے، اس دوران ڈوپ ٹیسٹ بھی مثبت آگیا تھا جس پر انھیں 6 ماہ کے لیے معطل کردیا گیا۔ رائیڈر نے کہاکہ میں اس وقت بہترین فارم میں ہوں، ٹیم میں واپسی کے ساتھ اپنی جگہ بھی پکی کرنا چاہوں گا۔رائیڈر نے 39 ون ڈے میچز میں 34.37 کی اوسط سے 1100رنز بنائے ہیں۔