نجوم کی روشنی میں آپ کا یہ ہفتہ

آپ کا یہ ہفتہ کیسا ہوسکتا ہے؟

---

5 تا 11اکتوبر 2020

برج حمل
سیارہ مریخ،21 مارچ تا20اپریل
سوموار اور منگل کو مالی اضافے کا امکان ہے، بدھ اور جمعرات والدین اور بہن بھائیوں کے ساتھ کچھ امور میں اختلافِ رائے اور تلخی کا اندیشہ ہے۔
ہفتہ اور اتوار کوئی سخت فیصلہ کر سکتے ہیں، آپ کی سمجھ بوجھ کا سیارہ کم زور ہے محتاط رہیں۔

برج ثور
سیارہ زہرہ،21اپریل تا 20 مئی
شریکِ حیات سے دوری کا اندیشہ ہے، ممکن ہے آپ اگر بیرون ملک سے منسلک کسی بزنس سے تعلق رکھتے ہیں تو آپ کو سفر کرنا پڑے، آپ کا سیارہ محبت کے گھر اور محبوب کا سیارہ شادی کے گھر اور شادی کا سیارہ بیرون ملک کے گھر پڑا ہے، محبت، شادی اور بیرون ملک۔

برج جوزا
سیارہ عطارد،21مئی تا 21 جون
آخری دو دنوں اور پہلے دن مالی فائدہ ہوسکتا ہے، آپ کی تمام توجہ اپنے بزنس پر فوکس ہے اور اس کے لیے آپ کچھ خفیہ راستے اختیار کرتے نظر آتے ہیں۔ انتہائی محتاط رہیں، ذرا سی غیرقانونی حرکت آپ کے لیے بڑے مسائل پیدا کرسکتی ہے۔

برج سرطان
سیارہ قمر،22جون تا 23 جولائی
ایک شان دار ہفتہ ہوسکتا ہے، آپ کا سیارہ محبت اور دوستوں کے سیارے سے اچھی نظر بنائے گا۔ ازدواجی اور تعلقات کے امور میں آپ کو خوشیاں ملیں گی۔ آپ کے کیریر میں کوئی اہم موڑ آسکتا ہے جو آپ کی زندگی میں کئی طرح کی تبدیلیاں لاسکتا ہے۔

برج اسد
سیارہ شمس،24جولائی تا 23 اگست
آپ کے بزنس میں کوئی ایسا فیصلہ نہ کریں اور قدم نہ اٹھائیں جو پُرخطر ہو، کیوںکہ آپ کا سیارہ ہوا میں معلق ہے۔ آپ کے خیالات اور فیصلے عملی زندگی سے مطابقت نہیں رکھتے، جذباتی نہ ہوں، سوموار کو مالی لحاظ سے کوئی اہم قدم اٹھا سکتے ہیں۔ ہفتے کے دن محتاط رہیں۔

برج سنبلہ
سیارہ عطارد،24 اگست تا 23 ستمبر
اس ہفتے مالی فائدے ہوتے دکھائی دیتے ہیں، لیکن آپ کے اخراجات کا سیارہ آپ کی آمدن پر نظر رکھے ہوئے ہے، آپ کے خرچے تیزرفتاری سے ہورہے ہیں ایسی صورت میں غلط فیصلے یا محتاط نہ ہونے سے نقصان ہوسکتا ہے، سفر بھی ہوسکتا ہے۔

برج میزان
سیارہ زہرہ،24 ستمبر تا 23اکتوبر
آپ تنہائی کی طرف مائل ہوتے دکھائی دیتے ہیں، ایک دوست یا بڑا بھائی آپ کے لیے کچھ مسائل کا سبب بن سکتا ہے، گھر میں کچھ تندی اور تلخی رہے گی لیکن کوئی بڑا مسئلہ نہیں ہوگا۔ بس آپ اپنی جگہ پر مثبت کردار ادا کرتے رہیں۔ ہفتہ اور اتوار بہتر اور اہم نظر آتے ہیں۔

برج عقرب
سیارہ پلوٹو،24 اکتوبر تا 22 نومبر
سوموار اور ہفتہ کافی خوب صورت دن ہیں، پرانے تعلقات میں نیا رنگ بھر سکتا ہے، ٹوٹا ہوا رشتہ جُڑنے کا امکان ہوسکتا ہے، ہفتہ کو بیرون ملک سے کوئی اچھی کال موصول ہوسکتی ہے، جو جاب یا تعلقات کے لیے اہم ہوسکتی ہے۔

برج قوس
سیارہ مشتری،23 نومبرتا 22 دسمبر
بزنس اور جاب خصوصاً زمین سے جُڑے لوگوں کے لیے ایک شان دار ہفتہ ہوسکتا ہے، سوموار اور اتوار آپ کے لیے اچھی خبر لاسکتے ہیں، اچانک مالی فائدہ ہوسکتا ہے کوئی وراثتی مسئلہ بھی حل ہوسکتا ہے، کوئی حکومتی دوست آپ کی مدد کرسکتا ہے۔

برج جدی
سیارہ زحل،23 دسمبر تا 20 جنوری
یہ ہفتہ آپ کے لیے کافی اچھی خبریں لارہا ہے، ازدواجی خوشیاں، غیرشادی شدہ افراد کی شادی یا رشتہ ہوسکتا ہے، آپ کے شادی کا سیارہ دور دراز کے گھر پڑا ہے جس مطلب ہے آپ کی شادی بیرون ملک ہوسکتی ہے، ہفتہ اور اتوار اہم دن ہیں۔

برج دلو
سیارہ یورنیس،21 جنوری تا 19 فروری
آپ کے لیے ایک آرام، چلہ، گوشہ نشینی یا تنہائی کا گذشتہ دو سال سے ایک دور چل رہا ہے، آنے والے میں آپ میدان عمل میں اترنے والے ہیں آپ کے معمولات بدلنے والے ہیں، آپ کے اندر اس وقت ایک تذبذب ہوسکتا ہے جو آپ کو متحرک کرسکتا ہے، آپ کی سوچیں بدل رہی ہیں۔

برج حوت
سیارہ نیپچون،20 فروری تا 20 مارچ
آپ کی محبت کا سیارہ آپ کے جذبات میں کچھ تحریک پیدا کرسکتا ہے، آپ کے تعلقات کا سیارہ کچھ کم زور چل رہا ہے، کچھ ایسا ہوسکتا ہے کہ آپ کی تسکین نامکمل رہ جائے۔ آپ واقعی خوش قسمت ہیں آپ کی جیب اور محبت دونوں امور آپ کے ساتھ تعاون کررہے ہیں۔