اقوام متحدہ نے پاکستان میں امریکی ڈرون حملوں کے خلاف قرارداد متفقہ طورپرمنظورکرلی

اقوام متحدہ کی جنرل اسمبلی نے پاکستان میں امریکی ڈرون حملوں کے خلاف قرارداد منظور کر لی ہے۔


پاکستان کی جانب سے ہم خیال ممالک کے تعاون سے اقوام متحدہ کی جنرل اسمبلی میں امریکی ڈرون حملوں کے خلاف پیش کی جانے والی قرارداد کو متفقہ طور پر منظور کر لیا گیا، قرارداد میں کہا گیا کہ ڈرون حملوں میں معصوم اور بے گناہ شہری نشانہ بنتے ہیں، ڈرون حملے دہشتگردی میں اضافے کا باعث ہیں لہذاعالمی برادری ڈرون حملوں سے متعلق قوانین پر نظر رکھے۔

واضح رہے کہ وزیراعظم نواز شریف نے بھی جنرل اسمبلی کے اجلاس سے خطاب کرتے ہوئے ڈرون حملوں کو دہشتگردی کے خاتمے کے لئے رکاوٹ قرار دیا تھا لیکن اس کے باوجود امریکا کی جانب سے ڈرون حملوں کا سلسلہ جاری ہے۔