دھونی پر بڑھتی عمر کا اثر دوران بیٹنگ کھانستے اور ہانپتے نظرآئے

گرمی کی وجہ سے میرا گلا سوکھ گیا تھا، اسی وجہ سے کھانس رہا تھا، کپتان چنئی سپر کنگز۔ فوٹو: فائل

---

چنئی سپرکنگز کے کپتان مہندرا سنگھ دھونی پربڑھتی عمر کا اثر نمایاں ہونے لگا۔

سن رائزرحیدرآباد سے میچ میں انھوں نے 36 بالز پر ناٹ آؤٹ 47 رنز بنائے تاہم ٹیم 7 رنز سے ہار گئے، یہ چنئی کی 4 میچز میں تیسری شکست ہے، اس بار بھی دھونی نے شروع میں سست بیٹنگ کی جبکہ آخری 2 اوورز میں وہ کھانستے اور ہانپتے ہوئے دکھائی دیے۔

اس بارے میں انھوں نے کہا کہ گرمی کی وجہ سے میرا گلا سوکھ گیا تھا، اسی وجہ سے کھانس رہا تھا، میں نے کوشش تو بہت کی مگر گیند بیٹ پر آ نہیں رہی تھی، اس لیے بہت سی گیندیں ضائع ہوئیں۔