آسٹریلوی خواتین کرکٹرز نے پرستاروں سے رابطے کا طریقہ ڈھونڈ نکالا

پلیئرز فون ملا کر ایک خاتون کو بتاتی ہیں کہ الیسا ہیلی اور ڈیلیسا کمنز آپ سے مخاطب ہیں۔

Sports Reporter October 04, 2020

پلیئرز فون ملا کر ایک خاتون کو بتاتی ہیں کہ الیسا ہیلی اور ڈیلیسا کمنز آپ سے مخاطب ہیں۔ فوٹو: اسکرین گریب

آسٹریلوی خواتین کرکٹرز نے پرستاروں سے رابطے کا طریقہ ڈھونڈ نکالا۔

آئی سی سی کی جانب سے جاری کردہ ویڈیو میں پلیئرز فون ملا کر ایک خاتون کو بتاتی ہیں کہ الیسا ہیلی اور ڈیلیسا کمنز آپ سے مخاطب ہیں، نمبر آسٹریلوی کرکٹ کی ویب سائٹ کے ڈیٹا بیس سے لیا ہے، حیرت زدہ خاتون جواب میں کہتی ہیں کہ کیا آپ سنجیدہ ہیں۔

الیسا ہیلی ہنس کر جواب دیتی ہیں کہ جی آپ گذشتہ ہفتے ہمارے ٹی ٹوئنٹی میچز دیکھنے آئی تھیں مگر کورونا ایس او پیز کی وجہ سے ہم پرستاروں کو آٹو گراف نہ دے سکیں، اس لیے اب فون کرکے سپورٹ کرنے پر شکریہ ادا کر رہی ہیں۔

خاتون مداح نے اسے ایک غیر معمولی اور متاثر کن تجربہ قرار دیتے ہوئے کہاکہ ذرا رکیے میں اپنی 14 برس کی بیٹی کو بھی آپ کی آواز سنا دوں وہ بھی کرکٹ کھیلتی اور کال آنے پر خوشی سے چیخ رہی ہے۔