متحدہ کے بعد مسلم لیگ ن نے بھی سندھ لوکل ترمیمی آرڈیننس کیخلاف درخواست دائر کردی

مسلم لیگ (ن) کی جانب سے سندھ لوکل ترمیمی آرڈیننس کیخلاف درخواست رکن سندھ اسمبلی عرفان اللہ مروت نے دائر کی

ویب ڈیسک December 19, 2013

سندھ لوکل گورنمنٹ آرڈیننس کے ترمیمی بل کا اجرا رات کی تاریخی میں کیا گیا اور اس پر قائم مقام گورنر سے دستخط کروائے گئے،درخواست گزار فوٹو ؛فائل

ایم کیو ایم کے بعد پاکستان مسلم لیگ (ن) نے بھی سندھ لوکل ترمیمی آرڈیننس اور بلدیاتی حلقہ بندیوں کے خلاف سندھ ہائیکورٹ میں درخواست دائر کردی۔

ایکسپریس نیوز کے مطابق پاکستان مسلم لیگ (ن) کی جانب سے سندھ لوکل گورنمنٹ آرڈیننس میں ترمیم اور بلدیاتی حلقہ بندیوں کے خلاف درخواست رکن سندھ اسمبلی عرفان اللہ مروت نے دائر کی, درخواست میں مؤقف اختیار کیا گیا ہے کہ سندھ لوکل گورنمنٹ آرڈیننس کے ترمیمی بل کا اجرا رات کی تاریخی میں کیا گیا اور اس پر قائم مقام گورنر سے دستخط کروائے گئے لہذا ترمیمی بل کو کالعدم قرار دیا جائے, درخواست میں یہ بھی کہا گیا ہے کہ اگر پیپلزپارٹی بلدیاتی انتخابات جیتنا ہی چاہتی ہے تو ایک آرڈیننس جاری کرکے اپنی بلدیاتی حکومت قائم کرلے۔

واضح رہے کہ اس سے قبل متحدہ قومی موومنٹ نے بھی سندھ لوکل گورنمنٹ ترمیمی آرڈیننس اور کراچی کے بلدیاتی حلقوں میں تبدیلیوں کو سندھ ہائی کورٹ میں چیلنچ کر رکھا ہے جس میں مؤقف اختیار کیا گیا تھا کہ شہر میں بلدیاتی انخابات سے متعلق حلقہ بندیاں غیرآئینی اور غیرجمہوری ہیں اور ان حلقہ بندیوں کے ذریعے ایم کیو ایم کے مینڈیٹ کو نقصان پہنچانے کی کوشش کی جارہی ہے۔