ٹرمپ کے عملے میں کورونا کیسز بڑھنے لگے پریس سیکریٹری بھی شکار

وائٹ ہاؤس کی پریس سیکریٹری بھی کورونا وائرس میں مبتلا ہوگئی ہیں(فوٹو، فائل)

---

گزشتہ ہفتے صدر امریکا ڈونلڈ ٹرمپ اور خاتون اول میلانیا میں کورونا وائرس کی تشخیص کے بعد وائٹ ہاؤس کے صدارتی عملے میں بھی کورونا کیسز کی تعداد بڑھتی جارہی ہے۔

پیر کے روز وائٹ ہاؤس کی پریس سیکریٹری کیلی مک انینی نے اپنے ایک ٹوئٹ میں بتایا کہ ان میں علامات تو ظاہر نہیں ہوئی ہیں تاہم اب ان کا کورونا وائرس کا ٹیسٹ مثبت آگیا ہے۔

pic.twitter.com/SKT9xq8rqs

— Kayleigh McEnany 45 Archived (@PressSec45) October 5, 2020

کیلی نے یہ بھی وضاحت کی کہ جمعرات کو پریس بریفنگ کے انعقاد سے قبل انہیں وائٹ ہاؤس کی ڈائریکٹر کمیونیکیشن ہوپ ہکس کے کورونا وائرس میں مبتلا ہونے کا علم نہیں تھا۔

یہ خبر بھی پڑھیے: معالجین نے ٹرمپ کی اسپتال سے جلد چھٹی کا امکان ظاہر کردیا

امریکی خبر رساں ادارے کے مطابق وائٹ ہاؤس کے اسسٹنٹ پریس سیکریٹری سمیت صدارتی عملے کے متعدد افراد کورونا وائرس کا شکار ہوچکے ہیں۔