افغانستان میں سڑک کنارے نصب بم دھماکوں میں 7 مسافر ہلاک 19 زخمی
دھماکے طالبان کی جانب سے بچھائی گئی بارودی سرنگوں میں ہوئے، افغان حکام
ہلاک اور زخمی ہونے والوں میں خواتین اور بچے بھی شامل ہیں، فوٹو : فائل
LONDON:
افغانستان میں سڑک کنارے نصب بم دھماکے میں 7 افراد ہلاک اور متعدد زخمی ہوگئے۔
افغان میڈیا کے مطابق صوبے ہلمند میں ہائی وے پر ایک مسافر بس سڑک کنارے نصب بم دھماکے میں تباہ ہوگئی جس کے نتیجے میں 5 افراد ہلاک اور 9 زخمی ہوگئے۔
اسی طرح صوبے ہرات میں بھی سڑک کنارے نصب بم اُس وقت زوردار دھماکے سے پھٹ گیا جب وہاں سے ایک مسافر بس گزر رہی تھی، دھماکے میں 2 مسافر ہلاک اور 10 زخمی ہوگئے۔
ہلاک اور زخمی ہونے والوں میں خواتین اور بچے بھی شامل ہیں۔ سرکاری حکام نے دعویٰ نے کیا ہے کہ دونوں دھماکے طالبان کی جانب سے بچھائی گئی بارودی سرنگوں میں ہوئے تاہم طالبان نے اس الزام کی تردید یا تصدیق نہیں کی۔
واضح رہے کہ افغان طالبان اور کابل حکومت کے درمیان بین الافغان امن مذاکرات دوحہ میں ہوئے ہیں تاہم اس کے خاطر خواہ نتائج تاحال سامنے نہیں آسکے ہیں لیکن فریقین نے مذاکرات جاری رکھنے کا فیصلہ کیا ہے۔
افغانستان میں سڑک کنارے نصب بم دھماکے میں 7 افراد ہلاک اور متعدد زخمی ہوگئے۔
افغان میڈیا کے مطابق صوبے ہلمند میں ہائی وے پر ایک مسافر بس سڑک کنارے نصب بم دھماکے میں تباہ ہوگئی جس کے نتیجے میں 5 افراد ہلاک اور 9 زخمی ہوگئے۔
اسی طرح صوبے ہرات میں بھی سڑک کنارے نصب بم اُس وقت زوردار دھماکے سے پھٹ گیا جب وہاں سے ایک مسافر بس گزر رہی تھی، دھماکے میں 2 مسافر ہلاک اور 10 زخمی ہوگئے۔
ہلاک اور زخمی ہونے والوں میں خواتین اور بچے بھی شامل ہیں۔ سرکاری حکام نے دعویٰ نے کیا ہے کہ دونوں دھماکے طالبان کی جانب سے بچھائی گئی بارودی سرنگوں میں ہوئے تاہم طالبان نے اس الزام کی تردید یا تصدیق نہیں کی۔
واضح رہے کہ افغان طالبان اور کابل حکومت کے درمیان بین الافغان امن مذاکرات دوحہ میں ہوئے ہیں تاہم اس کے خاطر خواہ نتائج تاحال سامنے نہیں آسکے ہیں لیکن فریقین نے مذاکرات جاری رکھنے کا فیصلہ کیا ہے۔