بھارت علما کی ٹارگٹ کلنگ کے ذریعے پاکستان میں فرقہ وارانہ فسادات کرانا چاہتا ہے عمران خان

ٹی وی پر کئی بار اس خدشے کا اظہار کرچکا ہوں، 3 ماہ کے دوران بھارت فرقہ وارانہ تصادم کرانے کی کئی کوششیں کرچکا ہے (فوٹو : فائل)

---

وزیراعظم عمران خان نے کہا ہے کہ بھارت علما کرام کی ٹارگٹ کلنگ کے ذریعے ملک بھر میں فرقہ وارانہ فسادات کرانا چاہتا ہے علما لوگوں کو اس سازش کا حصہ نہ بننے دیں۔

اپنے ٹویٹ میں وزیر اعظم عمران خان نے عالم دین مولانا عادل کی ٹارگٹ کلنگ کی مذمت کرتے ہوئے کہا ہے کہ بھارت ہمارے ملک میں علما کی ٹارگٹ کے ذریعے فرقہ وارانہ فسادات کرانا چاہتا ہے، ہماری حکومت اس بات سے آگاہ ہے اور میں بارہا ٹی وی پر اس خدشے کا اظہار کرچکا ہوں، گزشتہ تین ماہ کے دوران بھارت سنی اور شیعہ علما کرام کی ٹارگٹ کلنگ کے ذریعے ملک بھر میں فرقہ وارانہ تصادم کرانے کی کئی کوششیں کرچکا ہے۔

Condemnable targeted killing of Maulana Adil of Jamia Farooqia in Karachi this evening. My govt has known & I have repeatedly stated this on TV, since last 3 months India's attempts to target kill Aalims from Sunni & Shia sects to create sectarian conflict across the country. pic.twitter.com/HbhJ0o16zB

— Imran Khan (@ImranKhanPTI) October 10, 2020

یہ پڑھیں : جامعہ فاروقیہ کے منتظم مولانا عادل قاتلانہ حملے میں ڈرائیور سمیت شہید

انہوں نے کہا کہ ہم نے گزشتہ کئی ماہ میں ایسی کئی کوششوں کو روکا ہے، ہمارے انٹیلی جنس اور قانون نافذ کرنے والے ادارے مولانا عادل کے قاتلوں کو پکڑ لیں گے، تمام مکاتب فکر کے علما کرام اس بات کو یقینی بنائیں کہ لوگ پاکستان کو غیر مستحکم کرنے کی اس بھارتی مذموم سازش کا حصہ نہ بنیں۔

We have prevented a number of such attempts preemptively in last few months. Our intelligence orgs & law enforcement agencies will nab culprits of this murder also. Our ulema from all sects must ensure people do not fall prey to this nefarious Indian design to destabilise Pak

— Imran Khan (@ImranKhanPTI) October 10, 2020