آرمی چیف کی مولانا عادل کے قاتلوں کی گرفتاری کیلئے ہرممکن مدد کی ہدایت

آئی ایس پی آر کے مطابق آرمی چیف نے کراچی میں مولانا عادل کے قتل کی شدید مذمت کرتے ہوئے قاتلوں کی گرفتاری میں ہر ممکن معاونت کی ہدایت کی ہے(فوٹو، فائل)

---

چیف آف آرمی اسٹاف جنرل قمر جاوید باجوہ نے مولانا عادل کے قاتلوں کو قانون کی گرفت میں لانے کے لیے سول انتظامیہ کو ہرممکن مدد فراہم کرنے کی ہدایت کی ہے۔

ڈی جی آئی ایس پی آر کے جاری کردہ ٹوئٹ کے مطابق آرمی چیف جنرل قمر جاوید باجوہ نے ممتاز عالم دین مولانا عادل خان کے قتل کےواقعے کی شدید مذمت کر تے ہوئے اسے پاکستان کے دشمنوں کی جانب سے ملک میں بدامنی پیدا کرنے کی سازش قرار دیا ہے۔ آرمی چیف نے ہدایت کی کہ مجرموں کوانصاف میں کٹہرے میں لانے کے لئے سول انتظامیہ کی ہرممکن مدد کی جائے۔

Expressing grief on assassination of renowned religious scholar Maulana Adil in Karachi, #COAS strongly condemned the incident and termed it an attempt to foment unrest by Pakistan’s enemies. COAS directed all out support to civil administration to bring the criminals to justice.

— DG ISPR (@OfficialDGISPR) October 10, 2020

واضح رہے کہ معروف عالم دین اور دینی درسگاہ جامعہ فاروقیہ کے مہتمم مولانا ڈاکٹر عادل کو گزشتہ روز کراچی کے علاقے شاہ فیصل کالونی نمبر دو میں فائرنگ کر کے شہید کر دیا گیا تھا۔