پشاور میں اسکول وین الٹے سے 12 بچے زخمی ہو گئے

زخمی بچوں کو لیڈی ریڈنگ اسپتال پشاور منتقل کر دیا گیا ہے جبکہ ڈاکٹروں کے مطابق بچوں کی حالت خطے سے باہر ہے۔ فوٹو؛ ایکسپریس نیوز۔

---

ISLAMABAD: موٹر وے کے قریب اسکول وین الٹنے سے 12 بچے زخمی ہو گئے۔

ایکسپریس نیوز کے مطابق پشاور میں موٹر وے کے قریب رنگ روڈ پر بچوں سے بھری اسکول وین مخالف سمت سے آتی تیز رفتار گاڑی کے اوور ٹیک کرنے کی وجہ سے الٹ گئی جس کے باعث وین میں موجود 14 میں سے 12 بچے زخمی ہو گئے۔ ریسکیو 1122 کے اہلکاروں نے موقع پر پہنچ کر معمولی نوعیت کے زخمی 4بچوں کو طبی امداد دے کر فارغ کر دیا جبکہ 8 زخمی بچوں کو لیڈی ریڈنگ اسپتال پشاور منتقل کر دیا گیا ہے جہاں ڈاکٹروں کے مطابق بچوں کی حالت خطے سے باہر ہے۔

پولیس نے جائے وقوعہ سے شواہد اکھٹے کرنے اور وین کے ڈرائیور کو تحویل میں لینے کے بعد تحقیقات کا کا آغاز کر دیا ہے۔