دھونی کے غصے سے گھورنے پر امپائرنے وائیڈ کا فیصلہ بدل دیا

سوشل میڈیا پر دھونی کی اس حرکت کو دھونس قرار دیتے ہوئے ان پر شدید تنقید ہونے لگی

Sports Desk October 15, 2020

سوشل میڈیا پر دھونی کی اس حرکت کو دھونس قرار دیتے ہوئے ان پر شدید تنقید ہونے لگی ۔ فوٹو :انٹرنیٹ

آئی پی ایل میچ میں چنئی سپر کنگز کے کپتان مہندرا سنگھ دھونی کے غصے سے گھورنے پر امپائر پال رایفل نے وائیڈ بال سے متعلق اپنا فیصلہ ہی تبدیل کردیا۔

19 ویں اوور میں شردل ٹھاکر کی باہر جاتی ہوئی گیند کو جب رایفل نے وائیڈ قرار دینے کا سگنل دینے کیلیے بازو اٹھانا شروع کیے تو ان کی نظر دھونی پر پڑی جو وہیں سے انھیں غصے میں گھورتے ہوئے چلا رہے تھے جس پر امپائر نے بازو نیچے کرکے گیند کو قانونی قرار دے دیا۔

اس فیصلے پر ڈگ آؤٹ میں بیٹھے سن رائزرز حیدرآباد کے کپتان ڈیوڈ وارنر نے برہمی کا اظہار کیا۔ اس واقعے سابق کرکٹر اور کمنٹیٹر ای ین بشپ نے کہا کہ مجھے فیلڈ آفیشلز سے ہمدردی ہے کہ وہ مشکل کام کرتے ہیں، مگر میں سمجھتا ہوں کہ رایفل نے غلطی کی، سوشل میڈیا پر بھی دھونی کی اس حرکت کو دھونس قرار دیتے ہوئے ان پر شدید تنقید ہورہی ہے۔