میری زندگی میں نئے زخم نے انٹری دی ہے جسے شکست دیدوں گا سنجے دت

سنجو بابا نے اپنی آنے والی فلم کیلیے ہیئر اسٹائل تبدیل کروایا، فوٹو : تویٹر

---

مضبوط اعصاب والے سنجو بابا نے کینسر کی تشخیص کے بعد پہلی مرتبہ اپنی تصویر شیئر کی ہے جس میں وہ اپنی فلموں کی تکمیل کا عزم لیے کافی پُر اعتماد نظر آ رہے ہیں۔

تنازعات سے بھرے کیریئر کے اتار چڑھاؤ کے باوجود بالی ووڈ کے فلم بینوں کی دل کی جان سنجو بابا میں پھیپھڑوں کے کینسر کی تشخیص ہوئی تھی اور وہ اپنی اہلیہ کے ہمراہ علاج کے غرض سے امریکا بھی گئے تھے اور میموریال سلون کیتھرنگ کینسر سینٹر میں معائنہ بھی کرایا تھا۔

Gearing up for #Adheera!⚔️ #KGFChapter2 pic.twitter.com/Yd2FHSUUYn

— Sanjay Dutt (@duttsanjay) October 16, 2020

معروف اداکار نے دو ماہ بعد پہلی بار سماجی رابطے کی ویب سائٹ ٹویٹر پر سنجے دت نے اسٹائلش ہیئر کٹ کے ساتھ خود اپنی تصویر شیئر کی تو مداحوں نے صحتیابی کی دعاؤں اور نیک تمناؤں کا اظہار کیا جب کہ اداکار کی بیٹی نے بھی اپنے والد کی فلموں کی شوٹنگ پر خوش آمدید کہا۔

سنجے دت نے یہ تصویر مشہور ہیئر اسٹائلسٹ علیم حکیم کے سیلوں میں لی تھی جہاں وہ اپنی آنے والی نئی فلم کے جی ایف-2 کے کردار کی مناسبت سے بالوں کو تراشنوانے گئے تھے۔ ہیئر اسٹائلسٹ علیم حکیم نے بھی سنجے دت کی ویڈیو شیئر کی جس میں سنجے دت نے مداحوں کو خصوصی پیغام بھی دیا۔

View this post on Instagram

@duttsanjay Today at Salon Hakim's Aalim after getting a haircut done with all the necessary precautions Instructed by the government and the experts. #SanjayDutt #AalimHakim #Rockstar #SalonHakimsAalim #TeamHA #SafetyFirst #Fighter #Precautions #Hygiene #SocialDistancing #NewNorms #TeamHakimsAalim #SalonLife #Viral #Trending #MovieLife #actorslife #14thoctober2020 @duttsanjay @aalimhakim

A post shared by Aalim Hakim (@aalimhakim) on Oct 14, 2020 at 4:29am PDT

معروف اداکار نے کہا کہ میری زندگی میں نئے زخم نے ''انٹری'' لی ہے لیکن میں اسے بھی شکست دیدوں گا۔ اپنی نئی فلم کے جی ایف-2 کی شوٹنگ کے لیے تیاری کرلی ہے۔ ہیئر کٹنگ ہوگئی ہے اور شیو بڑھا رہا ہوں۔

سنجو بابا نے مزید بتایا کہ وہ اس فلم میں ولین ادھیرا کا کردار ادا کر رہے ہیں اور امید ہے یہ فلم مداحوں کو پسند آئے گی۔ اس وقت کے جی ایف چیپٹر 2 کے علاوہ سنجے دت کے پاس 'بھج: دی پرائڈ آف انڈیا'، ٹورباز، شمشیرا اور پرتھوی راج جیسی فلمیں موجود ہیں۔

یہ پڑھیں: بالی ووڈ اسٹارسنجے دت پھیپھڑوں کے کینسر میں مبتلا

واضح رہے کہ اگست کے ماہ میں امریکا روانگی اور طبی معائنے کے باوجود اداکار کے اہل خانہ نے بیماری کی نوعیت سے متعلق کچھ نہیں بتایا تھا تاہم اب پہلی مرتبہ سنجے دت نے ویڈیو پیغام میں کینسر میں مبتلا ہونے کی تصدیق کی ہے۔