اپوزیشن کو کسی قسم کی رعایت اب نہیں ملے گی وزیر اعظم

تحریک انصاف کی پولیٹیکل کمیٹی کے اجلاس میں وزیر اعظم نے رہنماؤں کو ہدایات جاری کردی ہیں، ذرائع(فوٹو، فائل)

---

وزیراعظم کی زیر صدارت پولیٹیکل کمیٹی کا اجلاس ہوا ہے۔

ایکسپریس نیوز کے ذرائع کا کہنا ہے کہ اجلاس میں ملکی سیاسی صورت حال پر مشاورت کی گئی اور وزیر اعظم نے پارٹی رہنماؤں کو گائیڈ لائنز سے آگاہ کیا۔

ذرائع کے مطابق اجلاس میں وزیر اعظم کا کہنا تھا کہ کرپشن مقدمات کو ہر صورت منطقی انجام تک پہنچایا جائے گا۔اپوزیشن کو کسی قسم کی رعایت اب نہیں ملے گی۔ قانون کی خلاف ورزی کرنے والوں سے سختی سے نمٹا جائے گا۔

یہ خبر بھی پڑھیے: کچھ بھی ہوجائے اپوزیشن سے مفاہمت نہیں ہوگی، وزیراعظم

ذرائع کا کہنا ہے کہ اجلاس میں اپوزیشن کے اداروں کے خلاف بیانیے پر بھرپور جواب دینے کا فیصلہ بھی کیا گیا ہے۔ واضح رہے کہ پی ڈی ایم کے گوجرانوالہ جلسے کے بعد بھی وزیر اعظم نے گزشتہ دنوں ٹائیگر فورس سے خطاب کرتے ہوئے اپوزیش جماعتوں کو کڑی تنقید کا نشانہ بنایا تھا۔