خیبر ایجنسی کی پولیٹیکل انتظامیہ نے 3 ہفتے قبل اغوا کئے گئے ڈاکٹر امجد تقویم کو بازیاب کرانے کا دعویٰ کیا ہے۔
خیبر ایجنسی کی پولیٹیکل انتظامیہ کے مطابق جمعے اور ہفتے کی رات جمرود سے مغوی ڈاکٹر امجد تقویم کو بازیاب کرالیا گیا ہے، وہ اپنے اہل خانہ سے مکمل رابطے میں ہیں اور آج ہی انہیں اپنے گھر بھجوا دیا جائے گا تاہم پولیٹیکل انتظامیہ نے ان کی رہائی کی تفصیلات نہیں بتائی۔
واضح رہے کہ ڈاکٹر امجد تقویم کو رواں کے آغاز میں حیات آباد سے اغوا کیا گیا تھا جس کے بعد ان کی رہائی کے لئے سرکاری اسپتالوں تعینات ڈاکٹروں نے احتجاج کرتے ہوئے او پی ڈی میں کام بند کردیا تھا۔