افغان فوج کی چیک پوسٹ پر طالبان جنگجوؤں کے حملے میں 20 اہلکار ہلاک
گزشتہ روز تخار میں افغان فضائیہ کے حملے میں مدرسہ تباہ ہونے سے 10 بچے اور ایک قاری شہید ہوگئے تھے
طالبان نے افغان آرمی کے 6 اہلکاروں کو یرغمال بنالیا، فوٹو : فائل
RAWALPINDI:
افغانستان میں فوجی چیک پوسٹ پر طالبان جنگجوؤں نے حملہ کردیا جس کے نتیجے میں 20 اہلکار ہلاک اور متعدد زخمی ہوگئے۔
افغان میڈیا کے مطابق صوبے نمروز کی فوجی چیک پوسٹ پر درجن بھر موٹر سائیکل سوار طالبان جنگجوؤں نے دھاوا بول دیا، طالبان کے حملے میں 20 اہلکار ہلاک اور درجنوں زخمی ہوگئے جب کہ افغان فوج کے ترجمان نے بھی جوابی کارروائی میں طالبان جنگجوؤں کی ہلاکت کا دعویٰ کیا ہے۔
طالبان جنگجوؤں نے 6 اہلکاروں کو اغوا کرلیا اور جاتے ہوئے افغان فوج کا اسلحہ اور گاڑی بھی اپنے ہمراہ لے گئے۔ افغان آرمی نے اپنے اہلکاروں کی بازیابی کے لیے قریبی علاقوں میں سرچ آپریشن کا آغاز کردیا ہے۔
طالبان کی جانب سے افغان آرمی کی چیک پوسٹ کو نشانہ گزشتہ روز صوبے تخار میں افغان فضائیہ کی بمباری کے نتیجے میں ایک مدرسہ مکمل طور تباہ ہونے اور قاری سمیت 11 بچوں کی شہادت کے بعد بنایا گیا ہے۔ حملے کے وقت بچے قرآن پاک کی تلاوت کررہے تھے۔
واضح رہے کہ دوحہ میں کابل حکومت اور طالبان کے درمیان امن مذاکرات کے باوجود تاحال امن قائم نہیں ہوسکا ہے اور دونوں جانب سے پرتشدد کارروائیاں جاری ہیں۔
افغانستان میں فوجی چیک پوسٹ پر طالبان جنگجوؤں نے حملہ کردیا جس کے نتیجے میں 20 اہلکار ہلاک اور متعدد زخمی ہوگئے۔
افغان میڈیا کے مطابق صوبے نمروز کی فوجی چیک پوسٹ پر درجن بھر موٹر سائیکل سوار طالبان جنگجوؤں نے دھاوا بول دیا، طالبان کے حملے میں 20 اہلکار ہلاک اور درجنوں زخمی ہوگئے جب کہ افغان فوج کے ترجمان نے بھی جوابی کارروائی میں طالبان جنگجوؤں کی ہلاکت کا دعویٰ کیا ہے۔
طالبان جنگجوؤں نے 6 اہلکاروں کو اغوا کرلیا اور جاتے ہوئے افغان فوج کا اسلحہ اور گاڑی بھی اپنے ہمراہ لے گئے۔ افغان آرمی نے اپنے اہلکاروں کی بازیابی کے لیے قریبی علاقوں میں سرچ آپریشن کا آغاز کردیا ہے۔
طالبان کی جانب سے افغان آرمی کی چیک پوسٹ کو نشانہ گزشتہ روز صوبے تخار میں افغان فضائیہ کی بمباری کے نتیجے میں ایک مدرسہ مکمل طور تباہ ہونے اور قاری سمیت 11 بچوں کی شہادت کے بعد بنایا گیا ہے۔ حملے کے وقت بچے قرآن پاک کی تلاوت کررہے تھے۔
واضح رہے کہ دوحہ میں کابل حکومت اور طالبان کے درمیان امن مذاکرات کے باوجود تاحال امن قائم نہیں ہوسکا ہے اور دونوں جانب سے پرتشدد کارروائیاں جاری ہیں۔