ایف آئی اے کی کراچی میں کارروائی ’را‘ نیٹ ورک کا رکن گرفتار

ملزم کا تعلق ایم کیو ایم لندن سے ہے اور کراچی میں ’’را‘‘ کے سلیپر سیل کے لیے کام کررہا تھا، ایف آئی اے

ویب ڈیسک October 24, 2020

ملزم عبدالجبار کو گلستان جوہرسےگرفتارکیاگیا،ایف آئی اے فوٹو: فائل

ایف آئی اے کے انسداد دہشت گردی ونگ نے ایک کارروائی کے دوران بھارتی خفیہ ایجنسی 'را' کے نیٹ ورک کے مبینہ کارکن کو گرفتار کرلیا۔

ایف آئی اے حکام کے مطابق ملزم عبدالجبار عرف ظفر ٹینشن کو گلستان جوہر سے گرفتار کیا گیا، ملزم بم تیار کرنے اور جدید ہتھیار چلانے کا ماہر ہے اور کراچی واٹر اینڈ سیوریج بورڈ میں ملازمت کرتا تھا۔

ایف آئی اے کے مطابق گرفتار ملزم عسکری تربیت کے لیے چار مرتبہ بھارت جاچکا ہے، اس کا تعلق ایم کیو ایم لندن سے ہے جبکہ کراچی میں "را" کے سلیپر سیل کے لیے کام کررہا تھا۔

گرفتار ملزم محمود صدیقی کی طرف سے بھیجی گئی حوالہ ہنڈی کی رقم وصولی اور بیرون ملک سے بھیجی گئی رقم دہشت گردی اور ٹارگٹ کلنگ کے لیے استعمال کی جاتی تھی۔ دہشت گردی کی کارروائیوں میں ملوث ہونے پر دو دفعہ جیل جا چکا ہے۔