مریم نواز نے دوران پرواز طیارے میں 47 ویں سالگرہ منائی

مریم نواز نے ہوائی جہاز میں سالگرہ کا کیک کاٹتے ہوئے ویڈیو ٹوئٹر پر شیئر کی اور تمام لوگوں کاشکریہ ادا کیا

ویب ڈیسک October 24, 2020

مریم نواز28 اکتوبر 1973 کو لاہور میں پیدا ہوئی تھیں۔فوٹوفائل

پاکستان مسلم لیگ (ن) کی نائب صدر مریم نواز نے اپنی سالگرہ کا جشن لاہور سے کوئٹہ جانے والی فلائٹ میں کیک کاٹ کر منایا۔

مریم نواز کل کوئٹہ میں ہونے والے اپوزیشن کے جلسے میں شرکت کے لیے لاہور سے کوئٹہ جانے والے جہاز میں موجود تھیں، جہاں ان کی سالگرہ کا کیک کاٹا گیا۔ اس موقع پر ان کے شوہر کیپٹن (ر) صفدر اور ترجمان مسلم لیگ (ن) مریم اورنگزیب سمیت دیگر کارکنان موجود تھے۔

مریم نواز نے ہوائی جہاز میں سالگرہ کا کیک کاٹتے ہوئے ویڈیو ٹوئٹر پر شیئر کی اور تمام لوگوں کاشکریہ ادا کیا۔ نائب صدر مسلم لیگ (ن) نے کہا کسی نے میری آنے والی سالگرہ کا جشن منانے کے لیے کیک خریدا خدا آپ سب کو سلامت رکھے۔

Extremely humbled and thankful for the love and affection. Someone brought the cake onboard to celebrate my upcoming birthday. It’s gestures like these that makes it all so worthwhile. Alhamdolillah. God bless you all. https://t.co/XW8jwbt7Qi
— Maryam Nawaz Sharif (@MaryamNSharif) October 24, 2020