گستاخانہ خاکوں کیخلاف احتجاج فرانسیسی سفارتخانے جانے پر مظاہرین اور پولیس میں جھڑپیں

مشتعل مظاہرین کا پولیس پر پتھراؤ، چوکی کے شیشے توڑ دیے اور ریڈ زون کے باہر گھاس کو آگ لگا دی ۔ فوٹو : سوشل میڈیا

---

گستاخانہ خاکوں کیخلاف وفاقی دارالحکومت سمیت ملک بھر میں احتجاجی مظاہرے کیے گئے اور مظاہرین نے فرانسیسی سفارتخانے کی طرف جانے کی کوشش کی تو ان کی پولیس کے ساتھ جھڑپ ہوئی۔

اسلام آباد میں گستاخانہ خاکوں کیخلاف تاجروں اور مذہبی افراد نے مظاہرہ کیا۔ مظاہرین نے فرانس کے خلاف شدید نعرے بازی کی اور فرانسیسی سفیر کو ملک بدر کرنے کا مطالبہ کیا۔

اسلام آباد میں نوگو ایریا میدان جنگ میں تبدیل احتجاجی ریلی کے شرکاء فرانس ایمبیسی تک ریلی لے جانا چاہتے ہیں۔۔ ڈپلومیٹک انکلیو کی سیکورٹی ہائی الرٹ ۔۔۔ مظاہرین نے راستے میں کنٹینر پھیلانگنا شروع کر دیے ۔۔ پولیس کی جانب سے مظاہرین کو منتشر کرنے کیلئے ہوائی فائرنگ۔ pic.twitter.com/CZD3a37YuK

— Maryam Malik (@MaryamMalikPK) October 30, 2020

مظاہرین نے فرانسیسی سفارتخانہ کی جانب بڑھنے کی کوشش کی تو پولیس نے انہیں آگے جانے سے روک دیا۔ اس موقع پر پولیس اور مظاہرین کے درمیان جھڑپیں ہوئیں اور پولیس نے مظاہرین کو منتشر کرنے کے لیے ان پر آنسو گیس کی شدید شیلنگ کی۔ مشتعل مظاہرین نے جواباً پولیس پر پتھراؤ کرتے ہوئے پولیس چوکی کے شیشے توڑ دیے اور ریڈ زون کے باہر گرین بیلٹ پر گھاس کو آگ لگا دی۔

https://twitter.com/Muneebrizvi2/status/1322166760162938881

احتجاجی مظاہرین کو ریڈ زون میں داخل ہونے سے روکنے کےلیے پولیس کے تاجروں اور مذہبی رہنماؤں کے ساتھ مذاکرات جاری ہیں اور مظاہرین کو منتشر کرنے کے لئے واٹر کینن پہنچادی گئی ہے۔

علاوہ ازیں جماعت اسلامی، جمعیت علماء اسلام (ف) اور دیگر مذہبی و سیاسی تنظیموں نے ملک بھر میں فرانس میں گستاخانہ خاکوں کی اشاعت کےخلاف یوم احتجاج منایا۔ اس سلسلے میں جمعہ کے اجتماعات میں شان رسالت ﷺ کو اجاگر کیا گیا۔

https://twitter.com/HussainiMsgs/status/1322149404665663488

مختلف شہروں میں ریلیاں نکالی گئیں اور احتجاجی مظاہرے ہوئے جن میں فرانسیسی صدر میکرون کے پتلے نذر آتش کیے گئے۔ مظاہرین نے پاکستانی حکومت سے فرانس کے ساتھ سفارتی تعلقات ختم کرنے اور فرانسیسی مصنوعات کا بائیکاٹ کرنے کے مطالبات کیے۔