سرور کائناتﷺ کی ولادت پوری انسانیت کیلئے باعث سعادت ہے وزیراعلیٰ

وزیراعلیٰ خیبر پختون خوا محمود خان نے کہا ہے کہ سرور کائناتﷺ کی ولادت پوری انسانیت کیلئے باعث سعادت ہے۔

وزیراعلیٰ خیبر پختون خوا محمود خان نے عید میلاد النبی ﷺ کے حوالے سے اپنے پیغام میں کہا ہے کہ حضرت محمد ﷺ خاتم النبیین کی ولادت نہ صرف عالم اسلام بلکہ پوری انسانیت کے لئے باعث سعادت ہے۔


محمود خان نے کہا کہ آپ ﷺ کی محبت ایمان کا بنیادی تقاضہ ہے اور آپ ﷺ کا اسوہ حسنہ تمام بنی نوع انسان کے لئے مشعل راہ ہے۔

وزیراعلیٰ نے اپنے پیغام میں جشن عید میلادالنبی ﷺ کی پوری قوم اور امت مسلمہ کو مبارکباد بھی دی۔