امریکا میں ٹرمپ کے 20 ہزار جھوٹے دعوؤں پر مشتمل ’دیوار دروغ‘

منتظمین نے دیوار کی نمائش کا اعلان کیا جس پر ٹرمپ کے حامیوں نے حملہ کردیا، فوٹو : ٹویٹر

---

ISLAMABAD: امریکی کاؤنٹی مین ہٹن کی مرکزی شاہراہ پر ایسی دیوار تعمیر کی گئی ہے جس میں صدر ٹرمپ کے 20 ہزار سے زیادہ جھوٹے دعوؤں کو رنگین کاغذ پر لکھ کر چسپاں کیا گیا ہے۔ ٹرمپ کے حامیوں کی دیوار کو نقصان پہنچانے کے باوجود 'دیوارِ دروغ' کی نمائش جاری ہے۔

عالمی خبر رساں ادارے کے مطابق مصوری اور آرٹ سے وابستہ کچھ افراد نے 100 فٹ طویل ایک ایسی دیوار تعمیر کی ہے جس پر صدر ٹرمپ کے آغاز اقتدار سے اب تک کے کیے گئے 20 ہزار سے زائد جھوٹے دعوے، غلط اعداد و شمار اور حقیقت سے عاری بیانات کو رنگین کاغذوں پر لکھ کر دیوار پر چسپاں کیا گیا ہے۔

NY Senator Chuck Schumer at the “Wall of Lies” today in Bushwick, Brooklyn, reading aloud some of Trump’s lies about him. @radiofreebk #walloflies pic.twitter.com/NYdNbXbb67

— Phil Buehler (@pwbuehler) October 5, 2020

امریکی کاؤنٹی مین ہٹن میں قائم اس دیوار کو 'دیوار دروغ' یعنی جھوٹ کی دیوار کا نام دیا گیا ہے اور اس دیوار کے منتظمین نے باقاعدہ نمائش کے لیے ایک میوزک فیسٹیول کا انعقاد بھی کرنا چاہا جس میں شرکت کے لیے سوشل میڈیا پر امریکیوں کو دعوت بھی دی گئی تاہم صدر ٹرمپ کے حامیوں نے دیوار کو نقصان پہنچانے کی غرض سے حملہ کردیا۔

They're gonna need another wall
A massive mural featuring 20,000 of Trump's lies has been installed in Soho https://t.co/7xt999iQpL

— Sebastian Roché💙 (@sebroche) October 30, 2020

صدر ٹرمپ کے حامیوں نے دیوار کو توڑنے کی کوشش کی اور اس پر ' ٹرمپ کو ووٹ دو یا مرو' اور "پیچھے کھڑے ہو جاؤ" جیسے نعرے لکھ دیئے تاہم پولیس نے ہلڑبازی کرنے والوں کو قابو کرلیا اور دیوار کی نمائش اپنے پروگرام کے مطابق جاری ہے۔ دیوار دروغ ریڈیو فری بروکلین کے ایگزیکٹو ڈائریکٹر بوہلر اور ٹام ٹینی کا اشتراکی عمل ہے۔



واضح رہے کہ امریکا میں صدارتی انتخابات کا انعقاد اس ماہ ہو رہا ہے جس کے لیے موجودہ صدر ٹرمپ اور مخالف امیدوار جوبائیڈن کے درمیان سخت مقابلہ متوقع ہے۔