وزیر اعظم کا گلگت بلتستان کو صوبائی حیثیت دینے کا اعلان

وزیر اعظم نے گلگت بلتستان کے قومی دن پر صوبائی حیثیت دینے کا علان کیا(فوٹو، فائل)

---

وزیر اعظم عمران خان نے اعلان کیا ہے کہ حکومت نے اقوام متحدہ کی سیکیورٹی کونسل کی قراردادوں کو مد نظر رکھتے ہوئے گلگت بلتستان کو عبوری صوبائی حیثیت دینے کا فیصلہ کرلیا ہے۔

اتوار کو گلگت بلتستان کے 73 ویں یومِ آزادی کے سلسلے میں پریڈ تقریب سے خطاب کرتے ہوئے وزیر اعظم نے کہا کہ پاکستان کی سیکیورٹی فورسز دہشت گردی کے خلاف کام یابی سے لڑ رہی ہیں اور ملک کو غیر مستحکم بنانے کی کوششوں کو ناکام بنا رہی ہیں۔

انہوں نے کہا کہ پاکستان کا واحد وزیراعظم ہوں جو گلگت بلتستان کے قومی دن کی تقریب میں شرکت کے لیے آیا ہوں۔ آئندہ ہر سال اس تقریب میں شریک ہوا کروں گا۔

یہ خبر بھی دیکھیے: قوم دیکھے گی کس کے ماتھے پر پسینہ آتا ہے اور کس کی ٹانگیں کانپتی ہیں، وزیر اعظم

تقریب سے قبل وزیر اعظم عمران خان نے یادگارِ شہدا پر حاضری دی اور فاتحہ خوانی بھی کی۔ اس موقعے پر وزیر اعظم عمران خان نے گلگت اسکاؤٹس کے شہدا کو خراج تحسین بھی پیش کیا۔

‏بعد ازاں مشیر پارلیمانی امور ڈاکٹر بابر اعوان نے اپنے ٹویٹ میں کہا کہ گلگت بلتستان قومی دھارے میں شریک، صوبہ بن گیا۔اب گلگت بلتستان کے ایم این ایزاور سینیٹر پارلیمنٹ میں پہنچیں گے۔ فاٹا کے بعد گلگت بلتستان کی بھی تقدیر بدل گئی، عوام کو مبارکباد، شکریہ ‪عمران خان! ۔

گلگت بلتستان قومی دھارے میں شریک، صوبہ بن گیا۔ اب GB کے ایم این اے اور سینیٹر پارلیمنٹ میں پہنچیں گے۔ فاٹا کے بعد GB کی بھی تقدیر بدل گئی۔ عوام کو مبارکباد، شکریہ @ImranKhanPTI!

— Babar Awan (@BabarAwanPK) November 1, 2020

وفاقی وزیر سائنس و ٹیکنالوجی فواد چوہدری نے بھی اپنے ٹوئٹ میں گلگت بلتستان کے عوام کو صوبائی حیثیت ملنے پر مبارک باد دی۔

گلگت بلتستان کے عوام کو نیا صوبہ مبارک ہو اب آپ کو وہ تمام آئینی حقوق حاصل ہوں گے جو پاکستان کے باقی صوبوں کے عوام کو ہیں ، وزیر اعظم عمران خان نے ایک اور وعدہ پورا کیا۔۔۔۔۔۔ہندوستان کے رونے کا وقت ہوا چاہتا ہے۔ #GilgitBaltistan

— Ch Fawad Hussain (@fawadchaudhry) November 1, 2020

واضح رہے کہ گلگت بلتستان کی قانون ساز اسمبلی کے انتخابات 15 نومبر کو منعقد ہورہے ہیں اور وزیر اعظم اس کے لیے صوبائی عبوری حیثیت دینے کے اعلان کیا ہے۔

یہ خبر بھی پڑھیے: گلگت بلتستان کو صوبہ بنانا سیاسی نہیں سیکیورٹی معاملہ ہے، وزیر اعظم آزاد کشمیر