زمبابوے کیخلاف تیسرے ون ڈے کیلیے اسکواڈ میں 3 تبدیلیاں  

عابد علی، عماد وسیم، حارث رؤف کی جگہ عبداللہ شفیق، ظفرگوہر اور محمد حسنین اسکواڈ میں شامل

---

زمبابوے کے خلاف تیسرے ون ڈے میچ کے لیے 15 رکنی قومی اسکواڈ کا اعلان کردیا گیا جس میں تین تبدیلیاں کی گئی ہیں۔

زمبابوے کے خلاف تیسرے ایک روزہ میچ کے لیے ظفر گوہر، عبداللہ شفیق اور محمد حسنین کو پندرہ رکنی اسکواڈ میں شامل کرلیا ہے،تینوں کھلاڑیوں کو عابد علی، عماد وسیم اور حارث رؤف کی جگہ شامل کیا ہے۔

ہیڈ کوچ و چیف سلیکٹر مصباح الحق کا کہنا ہے کہ کل پچ دیکھ کر ان میں سے کسی کو موقع دینے کا فیصلہ کریں گے،گزشتہ میچ میں مثبت کرکٹ کھیلی گئی، جس پر خوشی ہے۔

15 member squad for the 3rd #PAKvZIM ODI announced

Imam ul Haq
Fakhar Zaman
Haider Ali
Babar Azam (c)
Abdullah Shafiq
Mohammad Rizwan (wk)
Iftikhar Ahmed
Khushdil Shah
Faheem Ashraf
Zafar Gohar
Usman Qadir
Wahab Riaz
Shaheen Afridi
Mohammad Hasnain
Musa Khan#HarHaalMainCricket pic.twitter.com/visRcH6p3m

— Pakistan Cricket (@TheRealPCB) November 2, 2020

زمبابوے کے خلاف اعلان کردہ 15 رکنی قومی اسکواڈ میں کپتان بابر اعظم، امام الحق، عبداللہ شفیق، فخر زمان، حیدر علی، محمد رضوان، افتخار احمد، خوشدل شاہ، فہیم اشرف، ظفر گوہر، عثمان قادر، وہاب ریاض، شاہین آفریدی، محمد حسنین اور موسی خان شامل ہیں۔

واضح رہے پاکستان کو تین ایک روزہ میچز کی سیریز میں 0-2 کی فیصلہ کن برتری حاصل ہے جب کہ دونوں ٹیموں کے مابین تیسرا ون ڈے انٹرنیشنل میچ کل بروز منگل کو پنڈی کرکٹ اسٹیڈیم راولپنڈی میں کھیلا جائے گا۔