آسٹریا کے دارالحکومت ویانا میں فائرنگ 7 افراد ہلاک اور متعدد زخمی

متعدد حملہ آوروں نے یہودی عبادت گاہ کے قریب فائرنگ کی، دو ہلاک، ایک نے خود کو دھماکے سے اڑالیا، بقیہ کی تلاش جاری

ویب ڈیسک November 03, 2020

مقامی میڈیا کے مطابق فائرنگ کے سبب زخمی ہونے والا ایک پولیس آفیسر دم توڑ گیا (فوٹو : انگلش میڈیا)

آسٹریا کے دارالحکومت ویانا میں یہودی عبادت گاہ کے قریب فائرنگ سے کم از کم 7 افراد ہلاک اور متعدد زخمی ہوگئے، پولیس نے ایک حملہ آور کو ہلاک اور ایک کو گرفتار کرلیا جبکہ بقیہ کی تلاش جاری ہے۔

انٹرنیشنل میڈیا کے مطابق ویانا میں یہودی عبادت گاہ کے قریب مسلح افراد نے منظم حملہ کرکے فائرنگ کردی نتیجے میں کم از کم 7 افراد ہلاک اور متعدد زخمی ہوگئے۔ پولیس کی فائرنگ سے دو حملہ آور مارے گئے ایک نے خود کو دھماکے سے اڑا لیا بقیہ کئی حملہ آور فرار ہوگئے۔

https://twitter.com/BaruchSandhaus/status/1323379954973855746

فائرنگ کے بعد پولیس نے علاقے کو گھیرے میں لے لیا اور سرچ آپریشن شروع کردیا۔ سڑکوں پر پولیس کی بھاری نفری تعینات کردی گئی جنہوں نے ٹریفک کی روانی بند کردی۔ خبر رساں اداروں کے مطابق حملے میں میں کم ازکم 50 کے قریب گولیاں فائر ہوئیں۔

I'am a Turk and I strongly condemn this incident. Before u call yourself a christian buddhist muslim hind or any other theology learn to be human first.!#austria #Vienna pic.twitter.com/rsSPDCOXJh
— MİNONOA (@MNONOA2) November 2, 2020

ویانا کے سٹی پولیس ڈپارٹمنٹ کے مطابق وسطی ویانا میں پولیس اور مجرموں کے درمیان فائرنگ کے تبادلے میں پولیس آفیسر سمیت کئی افراد ہلاک ہوگئے، جوابی فائرنگ میں کئی حملہ آور بھی مارے گئے جب کہ ایک حملہ آور کو گرفتار کرلیا گیا۔ دہشت گردوں نے ایک ریستوران میں کئی افراد کو یرغمال بھی بنایا۔

https://twitter.com/GHG19hr/status/1323344876717703168?s=20

انٹرنیشنل میڈیا کے مطابق واقعہ ویانا کے وسط میں پیش آیا جہاں یہودی عبادت گاہ بھی موجود ہے۔ کم از کم دو حملہ آور پولیس کے ہاتھوں مارے گئے اور ایک حملہ آور نے خود کو دھماکے سے اڑالیا۔ ایک میڈیا ہاؤس نے دعویٰ کیا ہے کہ حملہ آور کم از کم دس تھے بقیہ کی تلاش جاری ہے۔

vienna shooting 2

وزیر داخلہ نے اس واقعے کو متعدد افراد کا دہشت گردانہ حملہ قرار دیا ہے اور شہریوں سے اپیل کی ہے کہ وہ عوامی مقامات سے دور رہیں اور گھروں میں رہنے کو ترجیح دیں۔

مقامی میڈیا کے مطابق فائرنگ کے سبب زخمی ہونے والا ایک پولیس آفیسر دم توڑ گیا جب کہ کئی زخمیوں کی حالت نازک ہے، حملہ کم ازکم دس افراد نے کیا، زندہ بچ جانے والے دہشت گردوں کی تلاش جاری ہے۔

مقامی میڈیا کے مطابق حملہ آور کا حلیہ ایک جیسا تھا، سب نے سفید رنگ کے کپڑے پہنے ہوئے تھے اور تھیلے لٹکائے ہوئے تھے۔ پولیس کو عوامی مقامات سے موصولہ فوٹیجز میں ایک سفید کپڑے پہنے ہوئے شخص نظر آیا جس نے فائرنگ کرکے ایک شخص کو مار ڈالا اور بھاگ نکلا، اس نے تھیلے بھی لٹکائے ہوئے تھے۔