تیسرا ون ڈے زمبابوے نے پاکستان کو سپر اوور میں شکست دیدی

پاکستان نے زمبابوے کو سپراوور میں صرف 3 رنز کا ہدف دیا تھا

ویب ڈیسک November 03, 2020

پاکستان بابراعظم کی سنچری کے باوجود مطلوبہ ہدف حاصل نہ کرسکا - فوٹو: آئی سی سی

زمبابوے نے تیسرے ون ڈے میں پاکستان کو سپر اوور میں شکست دے دی جب کہ پاکستان نے سیریز 1-2 سے اپنے نام کرلی۔

پاکستان اور زمبابوے کے درمیان تیسرا ون ڈے میچ ٹائی ہونے کے بعد سپر اوور میں مقابلہ ہوا جس میں پاکستان کی جانب سے افتخار احمد اور خوشدل شاہ بیٹنگ کے لیے آئے لیکن افتخار پہلی اور خوشدل شاہ چوتھی گیند پر آؤٹ ہوگئے جس کے بعد پاکستان نے صرف 3 رنز کا ہدف دیا جو زمبابوے نے آسانی سے پورا کرلیا۔

Blessing Muzarabani today in #PAKvZIM:

5️⃣/4️⃣9️⃣ in normal time
2️⃣/2️⃣ in the Super Over

He's had a 🔥 return to the Zimbabwe side 🙌 pic.twitter.com/rSK1EW1R3c
— ICC (@ICC) November 3, 2020

زمبابوے کے بلیسنگ موزارابانی کو پانچ وکٹیں حاصل کرنے پر مین آف دی میچ جب کہ قومی ٹیم کے کپتان بابراعظم کو مین آف دی سیریز کا ایوارڈ دیا گیا۔

🇿🇼 278-6 (50 ov)
🇵🇰 278-9 (50 ov)

WE ARE GOING TO HAVE A SUPER OVER!!!

Live Updates: https://t.co/2tTcsZfRlx
WATCH #PAKvZIM ➡ https://t.co/TFQynkDyzy #HarHaalMainCricket pic.twitter.com/KdIdPiheKb
— Pakistan Cricket (@TheRealPCB) November 3, 2020

تین ایک روزہ میچوں کی سیریز کے آخری میچ میں زمبابوے نے پاکستان کو 279 رنز کا ہدف دیا جس کے جواب میں پاکستان کا ٹاپ آرڈر مکمل طور پر ناکام دکھائی دیا، دونوں اوپنرز صرف 6 رنز پر پویلین واپس لوٹ گئے، امام الحق 4 اور فخرزمان 2 رنز کے مہمان ثابت ہوئے۔

تیسرے نمبر پر کپتان بابراعظم خود بیٹنگ کے لیے آئے اور وکٹ کی ایک سائیڈ کو سنبھالے رکھا تاہم دوسری جانب سے وکٹیں گرنے کا سلسلہ جاری رہا، حیدر علی نے جارحانہ کھیل پیش کیا لیکن ان کی اننگز بھی صرف 13 رنز تک محدود رہی۔ وکٹ کیپر بیٹسمین محمد رضوان نے ایک بار پھر مایوس کیا اور صرف 10 رنز پر پویلین واپس لوٹ گئے۔

💯 for @babarazam258!

Live Updates: https://t.co/2tTcsZfRlx
WATCH #PAKvZIM ➡ https://t.co/TFQynkDyzy #HarHaalMainCricket pic.twitter.com/sqoDWLList
— Pakistan Cricket (@TheRealPCB) November 3, 2020

بابراعظم اس دوران ذمہ دارنہ کھیل پیش کرتے رہے اور افتخار احمد کے ساتھ 37 رنز کی شراکت قائم کرنے کے ساتھ ساتھ اپنی نصف سنچری بھی مکمل کی تاہم افتخار 18 رنز ہی بناسکے جس کے بعد اپنا پہلا میچ کھیلنے والے خوشدل شاہ نے بابراعظم کے ساتھ ملکر 63 رنز کی اہم شراکت قائم کی تاہم وہ 33 رنز بنانے کے بعد آؤٹ ہوئے۔

120 v 🌴
123 v 🌴
117 v 🌴
100 v 🇦🇺
125* v 🌴
103 v 🇱🇰
101 v 🇱🇰
106* v 🇿🇼
115 v 🏴󠁧󠁢󠁥󠁮󠁧󠁿
101* v 🇳🇿
115 v 🇱🇰
1⃣0⃣7⃣* v 🇿🇼

12th ODI hundred for @babarazam258, his first as a captain.

Live Updates: https://t.co/2tTcsZfRlx
WATCH #PAKvZIM ➡ https://t.co/TFQynkDyzy #HarHaalMainCricket pic.twitter.com/lpoTs6IvTL
— Pakistan Cricket (@TheRealPCB) November 3, 2020

بابراعظم نے انتہائی ذمہ داری کا مظاہرہ کرتے ہوئے بطور کپتان پہلی اور ون ڈے میں مجموعی طور پر 12ویں سنچری مکمل کی، اس دوران آخر میں وہاب ریاض نے ان کا بھرپور ساتھ دیتے ہوئے نصف سنچری بنائی تاہم وہ 52 رنز بنانے کے بعد آؤٹ ہوئے۔

بابراعظم 125 رنز کی شاندار اننگز کھیلنے کے بعد 49ویں اوور میں پویلین لوٹ گئے جس کے بعد قومی ٹیم کو جیت کے لیے آخری اوور میں 6 گیندوں پر 13 رنز درکار تھے اور صرف ایک وکٹ باقی تھی تاہم موسیٰ خان نے آخری اوور میں 2 چوکے لگاکر میچ برابر کردیا جس کے بعد میچ کا فیصلہ سپر اوور میں ہوگا۔

52 runs 🏏
3 4s 💥
3 6s ☄️

Well played @WahabViki!

Live Updates: https://t.co/2tTcsZfRlx
WATCH #PAKvZIM ➡ https://t.co/TFQynkDyzy #HarHaalMainCricket pic.twitter.com/gI0TWZlm1g
— Pakistan Cricket (@TheRealPCB) November 3, 2020

اس سے قبل زمبابوے نے پاکستان کے خلاف ٹاس جیت کر پہلے بیٹنگ کا فیصلہ کیا تو مہمان ٹیم کی جانب سے اننگز کا آغاز برین چاری اور چامو چبھابھا نے کیا، دونوں اوپنرز خاص کارکردگی کا مظاہرہ نہ کرسکے اور 22 رنز پر پویلین لوٹ گئے۔

22 رنز پر 3 وکٹیں گرنے کے بعد شان ولیمز اور برینڈن ٹیلر نے ذمہ دارانہ کھیل کا مظاہرہ کیا اور ٹیم کا اسکور آگے بڑھایا، برینڈن ٹیلر نے 56 رنز کی اننگز کھیلی تاہم محمد حسنین کی گیند پر وہ آؤٹ ہوگئے جب کہ شان ٹیلر نے سنچری مکمل کی اور 118 رنز کے ساتھ ناقابل شکست رہے۔

Maiden five-wicket haul for @MHasnainPak 👏

Live Updates: https://t.co/2tTcsZfRlx
WATCH #PAKvZIM ➡ https://t.co/TFQynkDyzy #HarHaalMainCricket pic.twitter.com/q03Ooz1uFY
— Pakistan Cricket (@TheRealPCB) November 3, 2020

ویسلے میدھویرے اور سکندر رضا نے جارحانہ کھیل کا مظاہرہ کیا جس کی بدولت زمبابوے کی ٹیم مقررہ 50 اوورز میں 278 رنز بنانے میں کامیاب ہوئی۔ پاکستان کی جانب سے محمد حسنین نے عمدہ بولنگ کا مظاہرہ کیا اور 26 رنز دے کر 5 وکٹیں حاصل کیں۔

Bowled him! @MHasnainPak is on 🔥🔥🔥

Live Updates: https://t.co/2tTcsZfRlx
WATCH #PAKvZIM ➡ https://t.co/TFQynkDyzy #HarHaalMainCricket pic.twitter.com/u9PQC3sbx5
— Pakistan Cricket (@TheRealPCB) November 3, 2020

واضح رہے کہ زمبابوے سے 3 ایک روزہ میچوں کی سیریز میں قومی ٹیم پہلے ہی 0-2 کی فیصلہ کن برتری حاصل کرچکی ہے، پہلے میچ میں پاکستان نے زمبابوے کو 26 رنز جب کہ دوسرے میچ میں 6 وکٹوں سے شکست دی تھی۔