چرن جیت سنگھ قتل کیس میں ملوث ٹارگٹ کلر کو ایک سال قید کی سزا

پشاور کے علاقے بڈھ بیر میں قتل کیے جانے والے سکھ سماجی کارکن چرن جیت قتل کیس کا فیصلہ سنا دیا گیا۔


انسداد دہشتگردی عدالت پشاور نے جرم ثابت ہونے پر ملزم طارق کو ایک سال قید اور 10 ہزار روپے جرمانے اور جرمانہ ادا نہ کرنے کی صورت میں مزید 30 یوم قید کی سزا سنائی دی۔

واضح رہے مئی 2018 کو سکھ کمیونٹی کے معروف سماجی کارکن چرن جیت سنگھ کو بمقام اسکیم چوک کوہاٹ روڈ پشاور پر ٹارگٹ کلنگ کا نشانہ بنا کر قتل کیا گیا تھا جس کا باقاعدہ مقدمہ انسداد دہشت گردی ایکٹ سال 1997 کے تحت درج کیا گیا تھا۔ تفتیشی ٹیم نے جدید سائنسی خطوط پر تفتیش کرتے ہوئے ملزمان کا سراغ لگا کر ملزم طارق کو گرفتار کیا تھا۔