انوکھی واردات خاوند اور آشنا نے مل کر خاتون کو مار دیا

جلال پور جٹاں کے گاؤں جیوونجل میں 3 بچوں کی ماں آشنا کے ساتھ بھاگ گئی تھی

Numainda Express November 05, 2020

فیصل مناکر واپس لایامگر روابط رکھے، تنگ آکر شوہر اور آشنا نے نائلہ کومار دیا فوٹو: فائل

جلال پور جٹاں میں قتل کی ایک انوکھی واردات میں خاوند اور آشنا نے مل کر3 بچوں کی ماں کو موت کے گھاٹ اتار دیا۔

نواحی گاؤں موضع جیوونجل کی نائلہ یاسمین کی8 سال قبل فیصل منیر سے شادی ہوئی، چند سال بعد نائلہ اپنے آشنا نقاش کے ساتھ بھاگ گئی تاہم منت سماجت کے بعد دوبارہ گھر واپس آگئی لیکن آشنا کے ساتھ بھی روابط جاری رکھے۔

گزشتہ شب خاوند فیصل منیر نے اسی آشنا نقاش کیساتھ ملکر نائلہ یاسمین کو موت کے گھاٹ اتار دیا، مقتولہ کے والد اقبال حسین کی مدعیت میں فیصل منیر، نقاش اور الیاس سمیت دیگرملزمان کیخلاف مقدمہ درج کرلیا گیا جب کہ وجہ عناد یہ ہے کہ خاوند اور آشنا کو رنج تھا کہ خاتون دونوں کو دھوکا دے رہی ہے۔