پاکستانی امپائر کا اعزاز ٹی ٹوئنٹی میچز کی نصف سنچری مکمل کرلی

احسن رضا نے یہ اعزاز زمبابوے اور پاکستان کے درمیان دوسرے ٹی ٹوئنٹی میچ میں حاصل کیا۔ فوٹو : فائل

---

پاکستانی امپائر احسن رضا ٹی ٹوئنٹی کے 50 میچز میں فرائض انجام دینے والے پہلے امپائر بن گئے۔

لاہور سے تعلق رکھنے والے احسن رضا نے یہ اعزاز زمبابوے اور پاکستان کے درمیان دوسرے ٹی ٹوئنٹی میچ میں راولپنڈی اسٹیڈیم میں حاصل کیا جب کہ وہ 37 ایک روزہ میچ بھی سپروائز کرچکے ہیں، پاکستان ہی کے علیم ڈار اس فہرست میں دوسرے نمبر پر ہیں۔



احسن رضا کا کہنا ہے کہ وہ آئی سی سی اور پی سی بی کے بہت شکرگزار ہیں جنہوں نے آگے آنے کا موقع دیا۔ احسن رضا کے مطابق امپائرنگ تینوں فارمیٹ میں ہی کرنا ہمیشہ چیلنج ہوتا ہے لیکن ٹی ٹوئنٹی میں بیٹسمین کی جانب سے رنز کی رفتار بڑھانے کے لیے مختلف طریقوں سے ہٹنگ کرنے کی وجہ سے فیصلہ سازی بہت مشکل ہوتی ہے۔