کورونا وائرس کی ویکسین پر امیر ممالک کی اجارہ داری تشویش ناک ہے فواد چوہدری

ڈبلیو ایچ او اور دیگر عالمی اداروں کو اس صورتحال کا ادراک کرنا ہوگا، وفاقی وزیر سائنس اینڈ ٹیکنالوجی . فوٹو: فائل

---

وفاقی وزیر سائنس اینڈ ٹیکنالوجی فواد چوہدری نے کہا ہے کہ کورونا وائرس کی ویکسین پر امیر ممالک کی اجارہ داری تشویش ناک ہے، عالمی ادارہ صحت سمیت دیگر عالمی ادارے اس بات کا نوٹس لیں۔

سماجی رابطے کی ویب سائٹ پر انہوں نے لکھا کہ کورونا وائرس کی ویکسین پر صرف امیر ممالک کی اجارہ داری تشویش ناک ہے، امیر ترین ممالک 500 ملین ویکسین کا آرڈر دے چکے ہیں۔

کرونا وائرس کی ویکسین پر صرف امیر ملکوں کی اجارہ داری تشویشناک ہے، پانچ امیر ترین ممالک 500 ملین ویکسین Dose کا آرڈر دےچکے ہیں اس کامطلب یہ ہے کہ ترقی پزیر ممالک کو ویکسین کی فراہمی کو کم از کم دو سال کا عرصہ درکار ہو گا، WHO اور دیگر عالمی اداروں کو اس صورتحال کا ادراک کرنا ہوگا

— Ch Fawad Hussain (@fawadchaudhry) November 10, 2020

انہوں نے کہا کہ اس کامطلب یہ ہے کہ ترقی پذیر ممالک کو ویکسین کی فراہمی میں کم از کم 2 سال کا عرصہ درکار ہو گا، ڈبلیو ایچ او اور دیگر عالمی اداروں کو اس صورتحال کا ادراک کرنا ہوگا۔