بھارت میں لڑکی کا ارینج میرج کیخلاف انوکھا احتجاج

دراصل لڑکی کسی اور لڑکے سے شادی کرنا چاہتی فوٹوفائل

---

بھارت میں لڑکی نے ارینج میرج کے خلاف بل بورڈ پر چڑھ کر انوکھا احتجاج کیا جس کی تصاویر سوشل میڈیا پر وائرل ہورہی ہیں۔

بھارتی ریاست مدھیہ پردیش کے شہر اندور کے علاقے پردیسی پورہ میں نہایت انوکھا واقعہ پیش آیا ہے۔ جہاں ایک لڑکی ارینج میرج کے خلاف احتجاجاً بل بورڈ پر چڑھ گئی۔ دراصل لڑکی کسی اور لڑکے سے شادی کرنا چاہتی تھی لیکن لڑکی ماں اس کی شادی خاندان کی مرضی کے مطابق کرنا چاہتی تھی۔

سوشل میڈیا پر شیئر کی جانے والی تصاویر میں لڑکی کو بل بورڈ کے اوپر چڑھ کر فون پر باتیں کرتے ہوئے دیکھا جاسکتا ہے۔

بھارتی میڈیا رپورٹس کے مطابق جہاں یہ واقعہ پیش آیا وہاں پولیس بھی پہنچ گئی اور لڑکی کو بل بورڈ سے نیچے اتارنے کے لیے منانے لگی لیکن لڑکی نے نیچے اترنے سے انکار کردیا۔ جس کے بعد پولیس نے اس لڑکے سے رابطہ کیا جس سے لڑکی شادی کرنا چاہتی تھی۔ سب انسپیکٹر اشوک پاٹی دار کے مطابق لڑکے کے منانے پر لڑکی نیچے اتر آئی۔

Madhya Pradesh: A girl climbed atop a hoarding at Bhandari Bridge in Indore's Pardesipura

"A minor girl climbed a hoarding demanding to marry a boy against her mother's wish. She later came down on boy's insistence," says Pardesipura Station Incharge Ashok Patidar

(08.11.2020) pic.twitter.com/lluvZVr9qc

— ANI (@ANI) November 9, 2020