ایکسپریس فیسٹیول نے شہریوں کو بہترین تفریح فراہم کیسلیم آفریدی

سلیم آفریدی کی ایکسپریس فیملی فیسٹول میں اداکاری سے ہال قہقہوں سے گونجتا رہا

Cultural Reporter December 24, 2013

اگر ملک کے بڑے ادارے کوشش کریں گے تو شہر کا ماحول خوشگوار ہوجائے،سلیم آفریدی۔ فوٹو : محمد نعمان/ ایکسپریس

کراچی کے عوام خوف اور دہشت گردی کے اس ماحول سے نکلنا چاہتے ہیں وہ اس انتظار میں رہتے ہیں کہ انھیں اچھے ماحول میں بہترین تفریح میسر آئے لوگ اپنے گھروں سے نکلنا چاہتے ہیں اور جب بھی انھیں مواقع ملے وہ بھرپور انداز میں تفریح سے لطف اندوز ہوئے ہیں یہ بات ملک کے معروف مزاحیہ اداکار سلیم آفریدی نے ایکسپریس فیملی فیسٹیول کے دوسرے روز ہونے والے میوزیکل پروگرام کے موقع پر کہی۔

انھوں نے کہا کہ اس قدر بڑی تعداد میں لوگوں کی شرکت میرے لیے حیران کن ہے کراچی میں بدامنی کے باوجود اس فیسٹیول میں خواتین اور بچوں کی شرکت اس بات کا ثبوت ہے کہ اہل کراچی خوف زدہ نہیں ہیں بلکہ تفریح کی غرض سے باہر نکلنا چاہتے ہیں ۔

انھوں نے فیسٹیول کے انعقاد پر ایکسپریس میڈیا گروپ کو خراج تحسین پیش کرتے ہوئے کہا کہ اس وقت اسی جذبے کی ضرورت ہے اگر ملک کے بڑے ادارے کوشش کریں گے تو شہر کا ماحول خوشگوار ہوجائے اور دہشت گرد اپنی کوششوں میں ناکام ہوں گے اس موقع پر سلیم آفریدی کی بہترین پرفارمنس سے ہال قہقہوں سے گونجتا رہا اور ہر چہرا خوشی سے کھل اٹھا۔