احد رضامیر کو حقیقی فوجی سمجھنے پر پاکستانیوں کا بھارتیوں پر طنز

بعض اوقات ہندو انتہا پسند پاکستان اور پاک فوج سے نفرت کرنے میں اتنے آگے بڑھ جاتے ہیں کہ انہیں صحیح اور غلط میں فرق ہی معلوم ہی نہیں ہوتا فوٹوسوشل میڈیا

---

بھارتیوں کی جانب سے پاکستانی اداکار احد رضامیر کو پاک فوج کا حقیقی جوان سمجھنے پر پاکستانیوں نے بھارتیوں کو آڑے ہاتھوں لے لیا۔

ہر کوئی جانتا ہے کہ بعض اوقات ہندو انتہا پسند پاکستان اور پاک فوج سے نفرت کرنے اور بھارت سے حب الوطنی ظاہر کرنے میں اتنے آگے بڑھ جاتے ہیں کہ انہیں صحیح اور غلط میں فرق ہی معلوم ہی نہیں ہوتا۔ کچھ ایسا ہی حال ہی میں ہوا جب چند بھارتی ٹوئٹر صارفین نے اداکار احد رضامیر کو حقیقی فوجی سمجھ کر اپنی فوج کے گن گانے شروع کردئیے۔

ایک بھارتی ٹوئٹر صارف نے بغیر کوئی جانچ پڑتال کیے پاکستانی اداکار احد رضامیر کی وردی میں ملبوس تصویر ٹوئٹر پر شیئر کرائی اور انہیں پاک فوج کا حقیقی جوان سمجھتے ہوئے ٹوئٹ کیا کہ یہ پاک آرمی کے جوان کیپٹن صابر خان کی تصویر ہے جو وادی نیلم میں بھارتی فوج کے ہاتھوں مارے گئے۔

احد رضامیر کی یہ تصویر ڈراما سیریل ''عہد وفا'' کی ہے جس میں انہوں نے پاک فوج کے جوان کا کردار ادا کیا تھا۔ یہ کردار اور ڈراما شائقین میں بے حد پسند کیا گیا تھا۔

Captain Sabir Khan of Pakistan Army killed by Indian Army in #NeelumValley pic.twitter.com/dIqr0IOohY

— Vikrant Rajput (@VikrantRajput0) November 13, 2020

بھارتی صارف کی اتنی بڑی غلطی پر پاکستانیوں نے بھی انہیں نہیں چھوڑا اور ٹوئٹر پر ہی بھارتیوں کا خوب مذاق اڑایا۔ اطہر بخاری نامی صارف نے بھارتی ٹوئٹر ہینڈل کو جواب دیتے ہوئے کہا یہ پاکستانی اداکار احد رضامیر ہیں اور یہ تصویر ان کے ڈرامے ''عہد وفا'' کی ہے۔

Hey man, he is Ahad Raza Mir a pakistani actor and this pic is from his serial ' Ehda E wafa '

— Athar Bukhari (@Athartweets) November 13, 2020

فواد نامی شخص نے بھارتی صارف پر طنز کرتے ہوئے احد رضامیر کی ان کی اہلیہ سجل علی اور حرامانی کے ساتھ تصویر شیئر کی اور لکھا کیپٹن صابر خان شہادت حاصل کرنے کے بعد حوروں کے ساتھ۔

Captain Sabir Khan....after his Shahadat with hoors..... pic.twitter.com/WRgWORpJq8

— Fawad (@Fawad__Ahmed) November 13, 2020

ایک اور ٹوئٹر ہینڈل سے بھی احد رضامیر اور سجل علی کی تصویر اسی کیپشن کے ساتھ شیئر کرائی گئی۔

https://twitter.com/khazahra29/status/1327307737684963328

عثمان نامی شخص نے ڈراما سیریل ''عہد وفا'' کے ایک اور کردار میجر گلزار کی وردی میں ملبوس تصویر شیئر کرائی اور بھارتیوں پر طنز کرتے ہوئے کہا کیپٹن صابر کی شہادت کا بدلہ لینے کے لیے ہم میجر گلزار کو بھیج رہے ہیں۔

we are sending major gulzaar from basti Malook to revenge cpt Sabir pic.twitter.com/29B25el8vM

— Usman 🇵🇸 (@baddebt_) November 13, 2020