گلگت بلتستان الیکشن بلاول بھٹو کا نتائج کے خلاف احتجاج کا اعلان

ہمارے الیکشن چوری ہوئے ہیں، بلاول بھٹو: فوٹو: فائل

---

NASIRIYAH, IRAQ: پیپلزپارٹی کے چیئرمین بلاول بھٹوزرداری نے گلگت بلتستان الیکشن میں نتائج کے خلاف احتجاج کا اعلان کردیا ہے۔

گلگت میں آر او آفس کے سامنے انتخابی نتائج کے خلاف پیپلز پارٹی کے مظاہرین سے خطاب کے دوران بلاول بھٹو زرداری نے کہا کہ گلگت بلتستان کے عوام کے حق پر ڈاکا ڈالا گیا ہے، ووٹ کا تحفظ کرنے والوں نے حکومت کا ساتھ دے کر اپوزیشن کو مات دی ، ان کو پتہ تھا پی ٹی آئی گلگت بلتستان میں صفر ہے ، پی ٹی آئی میں شمولیت کے لیے لوگوں پر دباوَ ڈالا گیا، انہیں پیپلزپارٹی اور ن لیگ کو چھوڑ کر پی ٹی آئی میں شامل ہوجانے کے پیغامات دیئے گئے۔

بلاول بھٹو زرداری نے کہا کہ الیکشن کو متنازع نہیں ہونے دیں گے، ہم اپنی انتخابی مہم جاری رکھیں گے، احتجاج جاری رکھیں گے ،ہم پر عوام کی طرف سے دباوَ ہے، سارے دروازے بند نہ کریں، حق نہ ملا تو ہمارا رخ اسلام آباد کی طرف ہو گا، ہمیں سخت پوزیشن لینے پر مجبور نہ کیا جائے۔

اس سے قبل سماجی رابطے کی ویب سائٹ ٹوئٹرپرپیپلزپارٹی کے چیئرمین بلاول بھٹونے گلگت بلتستان میں انتخابی نتائج کے خلاف احتجاج کا اعلان کرتے ہوئے کہا کہ ہمارے الیکشن چوری ہوئے ہیں، میں ابھی تھوڑی دیرمیں گلگت بلتستان کے عوام کے احتجاج میں شرکت کے لئے جارہا ہوں۔

My election has been stolen. I will be joining the people of Gilgit-Baltistan in their protest shortly.

— BilawalBhuttoZardari (@BBhuttoZardari) November 16, 2020

واضح رہے کہ بلتستان کے انتخابات میں تحریک انصاف 9 نشستوں کے ساتھ سرفہرست ہے جب کہ پیپلز پارٹی 4 نشستوں کے ساتھ دوسرے اور (ن) لیگ دو نشستوں کے ساتھ تیسرے نمبر پر ہے، 7 نشستوں پر آزاد امیدوار فتح یاب ہوئے۔