حارث تم نے بہت شاندار بولنگ کی اور اس یارکر کو کھیلنا آسان نہیں تھا، شاہد آفریدی
پاکستان سپر لیگ فائیو میں جہاں لاہور قلندرز کی پہلی بار فائنل میں رسائی کے ہر طرف چرچے ہیں تو وہیں دوسرے الیمنیٹر راؤنڈ میں لاہور قلندرز اور ملتان سلطانز کے درمیان کانٹے دار میچ کے آخری لمحات میں نوجوان بولر حارث رؤف کی جانب سے شاہد آفریدی کو پہلی گیند پر بولڈ کرنے کے بعد معافی مانگنے کے انداز میں جشن منانا بھی وائرل ہوگیا ہے۔
It was a great and unplayable yorker Haris very well bowled! Please bowl slow to me next time 😜 congratulations to Qalandars for final berth. Look forward to an exciting match tomorrow. Thank you Sultans fans for supporting us throughout the season. https://t.co/GySOxr43ov
— Shahid Afridi (@SAfridiOfficial) November 16, 2020
قومی ٹیم کے سابق کپتان شاہد آفریدی نے حارث رؤف کے انٹریو کے کلپ کو ری ٹوئٹ کیا اور ان کی بولنگ کی تعریف کرتے ہوئے کہا کہ حارث تم نے بہت شاندار بولنگ کی اور اس یارکر کو کھیلنا آسان نہیں تھا، برائے مہربانی اگلی بار مجھے سلو گیند کروانا۔
شاہد آفریدی نے لاہور قلندرز کو فائنل میں پہنچنے پر مبارکباد دیتے ہوئے کہا کہ پی ایس ایل فائنل میں دلچسپ میچ دیکھنے کا انتظار کررہا ہوں۔ انہوں نے ملتان سلطانز کے مداحوں کا بھی شکریہ ادا کیا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔