نواز شریف پی ڈی ایم کے پشاور جلسے سے خطاب نہیں کریں گے

مریم نواز کے مطابق شدید تکلیف کے باعث نواز شریف پشاور جلسے سے خطاب نہیں کریں گے(فوٹو، فائل)

---

مسلم لیگ ن کے سربراہ نواز شریف اتوار کو پشاور میں ہونے والے اپوزیشن اتحاد پی ڈی ایم کے جلسے سے خطاب نہیں کریں گے۔

ٹوئٹر پر ایک صارف کی جانب سے دریافت کرنے پر مسلم لیگ ن کی نائب مرکزی صدر نے تصدیق کی ہے کہ طبیعت کی خرابی کے باعث نواز شریف حزب اختلاف کی جماعتوں کے اتحاد پی ڈی ایم کے پشاور میں ہونے والے جلسے سے خطاب نہیں کرسکیں گے۔

صارف کو جواب دیتے ہوئے مریم نواز نے ٹوئٹ کیا کہ پشاور میں خطاب نہیں کرسکیں گے کیوں کہ ابھی بھی بہت تکلیف ہے۔

آمین۔ پشاور میں خطاب نہیں کر سکیں گے کیونکہ ابھی بھی بہت تکلیف ہے۔ https://t.co/IRgWdP1x3t

— Maryam Nawaz Sharif (@MaryamNSharif) November 21, 2020

واضح رہے اس سے قبل نواز شریف اچانک طبیعت کی خرابی کی وجہ سے اسپتال منتقل ہونے کے باعث 17 نومبر کو ہونے والی پی ڈی ایم کے سربراہی اجلاس میں بھی شریک نہیں ہوسکے تھے۔

یہ خبر بھی پڑھیے: نوازشریف طبیعت اچانک بگڑنے پر اسپتال منتقل

اس روز نواز شریف ویسٹ لندن اسپتال گئے جہاں ان کا سی ٹی اسکین کیا گیا اور خون کے نمونے بھی لیے گئے۔ اسپتال ذرائع کے مطابق انہیں گردے میں درد کی شکایت بتائی گئی تھی اور کہا گیا تھا کہ ان کے گردے میں پتھری کا علاج جاری ہے۔