امریکی ریاست نیو جرسی کے نائٹ کلب میں فائرنگ سے 3 افراد ہلاک 2 زخمی
ایک شخص نے نائٹ کلب میں آکر چند لوگوں سے جھگڑا کیا اور فائرنگ کرکے فرار ہوگیا،عینی شاہدین
مسلح شخص نے نائٹ کلب میں گھس کر فائرنگ کی، گولیاں لگنے سے 3 افراد موقع پر ہلاک ہوگئے. فوٹو:فائل
امریکی ریاست نیو جرسی کے ایک نائٹ کلب میں فائرنگ کے نتیجے میں 3 افراد ہلاک اور 2 زخمی ہوگئے۔
غیر ملکی خبر رساں ادارے کے مطابق امریکی ریاست نیو جرسی کے علاقے ارونگٹن کے نائٹ کلب میں ایک شخص داخل ہوا اور پہلے سے موجود چند افراد سے جھگڑنا شروع کردیا، تلخ کلامی اور جھگڑا بڑھنے کے بعد ملزم نے فائرنگ کی اور فرار ہوگیا۔ جس کے نتیجے میں 3 افراد موقع پر ہی ہلاک جبکہ 2 زخمی ہوگئے۔
پولیس کی جانب سے مرنے والوں اور زخمیوں کی شناخت ظاہر نہیں کی جارہی تاہم عینی شاہدین کے بیانات کی روشنی میں واقعے میں ملوث مسلح شخص کی تلاش شروع کردی گئی ہے۔