خیبرپختونخوا کے ضلع صوابی میں زمین کے تنازعے پر دو گروپوں میں گولیاں چل گئیں جس کے نتیجے میں 8 افراد جاں بحق اور متعدد زخمی ہوگئے۔

پولیس کے مطابق صوابی کے علاقے چھوٹا لاہور میں دو گروہوں کے درمیان فائرنگ کا تبادلہ ہوا جس میں 8 افراد لقمہ اجل بن گئے اور 2 زخمی ہوگئے۔

پولیس نے بتایا کہ چھوٹا لاہور میں دو گروپوں کے درمیان جائیداد کا تنازع چلا آرہا تھا جس پر یہ واقعہ پیش آیا۔ فائرنگ کی اطلاع ملتے ہی پولیس کی بھاری نفری موقع پر پہنچ گئی اور لاشوں و زخمیوں کو ڈسٹرکٹ ہیڈ کوارٹر اسپتال صوابی منتقل کرکے تحقیقات شروع کردیں۔