بھارت کے وزیرخارجہ سلمان خورشیدنے کہاہے کہ پاکستان کے ساتھ مذاکرات کے سواکوئی چارہ نہیں ہے۔

کیونکہ پڑوسیوں کو امن اورجنگ دونوں صورتوں میں ایک ساتھ زندہ تورہنا ہی ہے۔ انھوں نے ایک انٹرویومیں کہاکہ پاکستان اور بھارت کے درمیان پرامن حالات یقینی اور دوطرفہ تعلقات بہتربنانے کے لیے مذاکرات ہرسطح پرجاری رکھنا ہوں گے۔ دونوں ممالک جنگ جیسی صورتحال کامقابلہ نہیں کرسکتے۔ مذاکرات کاراستہ ہی اختیارکرنا ہوگا۔ انھوں نے اعتراف کیاکہ کچھ ایسی طاقتیں ضرور موجودہیں جوپاکستان اوربھارت کے درمیان امن نہیں چاہتیں۔