ملز4سال سے غیر فعال،صرف2017میں بجلی،گیس اور تیل پر 54کروڑ روپے خرچ ہوئے،آڈیٹر جنرل کی رپورٹ میں اعتراضات
فوٹو: فائل
حکومت پاکستان کی سرپرستی میں چلنے والی یہ کارپوریشن لوہے اور اسٹیل کی مصنوعات کی پیداوار اور فروخت کرتی تھی تاہم گزشتہ 4سال سے یہ غیر فعال ہے، اس غیر فعال ملز میں ساڑھے 6کروڑ کا پانی استعمال ہوا،اسٹورز ،اسپیئر پارٹس اور دیگر ساز و سامان پر اٹھنے والے اخراجات 2017ء میں 9کروڑ70لاکھ روپے تھے۔
ملازمین کی تنخواہیں اس کے علاوہ تھیں، اسٹیل ملز کے 4500 ملازمین کو فارغ کیے جانے کے بعد آڈیٹر جنرل آف پاکستان کی رواں سال کی رپورٹ کو دیکھیں تو ملک کے سب سے بڑے صنعتی یونٹ کے مالی مسائل کے باعث اس کے زبوں حالی پر روشنی پڑتی ہے۔
آڈٹ رپورٹ میں بتایا گیا ہے کہ اسٹیل ملز کراچی واٹر اینڈ سیوریج بورڈ سے پانی حاصل کرتی ہے جسے پیداواری پلانٹ میں استعمال کیا جاتا ہے،اس کے علاوہ اسٹیل ملز کے رہائشی علاقوں اسٹیل ٹائون، گلشن حدید اور قرب وجوار کے کمرشل علاقوں کو بھی مہیا کیا جاتا ہے۔
رپورٹ کے مطابق اسٹیل ملز انتظامیہ نے پانی کے واجبات کی عدم وصولی کو تسلیم کیا ہے مگر وافر مقدار میں پانی کی تقسیم کی تفصیلات نہیں بتا سکی،جو پانی کی تقسیم کے نظام پر سوالیہ نشان ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔