سارہ کا کرینہ کوآنٹی کہنے پرسیف کا حیران کن رد عمل

اس متعلق شروع شروع میں بہت کشمکش کا شکارتھی کہ کرینہ کوکیا کہہ کر پکاروں، سارہ علی خان

ویب ڈیسک December 01, 2020

والد سیف علی خان نے بھی دوسری ماں سے متعلق کبھی کچھ نہیں کہا، سارہ علی خان: فوٹو: فائل

سیف علی خان کی بیٹی سارہ علی خان نے جب کرینہ کو آنٹی کہا توان کے والد سیف علی کا حیران کن رد عمل دیکھنے میں آیا۔

بھارتی میڈیا رپورٹس کے مطابق سیف علی خان اورامرتا سنگھ کی بیٹی سارہ علی خان کے لیے وہ لمحہ مشکل تھا کہ وہ اپنے والد کی دوسری بیوی و اداکارہ کرینہ کپورخان کوکیا کہہ کر بلائیں۔

ایک شو کے دوران جب اس متعلق سارہ علی خان سے پوچھا گیا توان کا کہنا تھا کہ کرینہ کپورخان نے خود اس بات پرکہا تھا کہ تمہاری ماں موجود ہے تومیں اورتم ایک دوست کی طرح رہ سکتے ہیں۔

سارہ نے کہا کہ ان کے والد سیف علی خان نے بھی دوسری ماں سے متعلق کبھی کچھ نہیں کہا۔ جس پرشو کے میزبان کرن جوہر نے کہا کہ وہ کرینہ کو"چھوٹی ماں" بھی کہہ سکتی تھیں، جس پرسارہ نے ہنستے ہوئے کہا کہ شاید کرینہ کو اچھا نہیں لگتا۔

ساتھ ساتھ سارہ نے یہ بھی بتایا کہ شروع میں وہ اس متعلق خاصا کشمکش کا شکارتھیں کہ میں کرینہ کو کیا کہوں گی؟ کیا میں کرینہ کو "آنٹی" کہوں گی جس پروالد سیف علی خان نے کہا تھا کہ نہیں نہیں مجھے معلوم ہے کہ تم کرینہ کو آنٹی کہنا نہیں چاہوگی۔ جس کے بعد اداکارہ نے بتایا کہ کرینہ کویا تو وہ کرینہ یا صرف "کے" پکارتی ہیں۔