فلم ’زندگی تماشا‘ آسکر میں پورے پاکستان کی نمائندگی کرے گی سرمد سلطان کھوسٹ

’زندگی تماشا‘ کی آسکر کے لیے نامزدگی تاریک سال میں میرے لیے روشنی کی کرن ہے، ہدایت کار

ویب ڈیسک December 01, 2020

’زندگی تماشا‘ کی آسکر کے لیے نامزدگی تاریک سال میں میرے لیے روشنی کی کرن ہے، ہدایت کار۔ فوٹو: فائل

WASHINGTON: ہدایت کار سرمد سلطان کھوسٹ کا کہنا ہے کہ فلم 'زندگی تماشا' آسکر میں پورے پاکستان کی نمائندگی کرے گی۔

زندگی تماشا کے ہدایت کار سرمد سلطان کھوسٹ کا کہنا ہے کہ جو درد دل اس فلم نے مجھے دیا، اس نے اب آرٹ پر میرے یقین کو بحال کردیا ہے، زندگی تماشا کی آسکر میں نامزدگی کا اعلان اس تاریک سال کے آخر میں میرے لیے روشنی کی کرن بن کر آیا ہے۔

سرمد سلطان کھوسٹ کا کہنا تھا کہ یہ فلم میں نے پاکستان اور یہاں کے لوگوں کے لیے بنائی ہے لیکن بدقسمتی یہ ہے کہ یہاں لوگ اس سے دیکھنے سے محروم رہے جو کہ میرے ضمیر پر بہت بڑا بوجھ ہے۔ ان کا کہنا تھا کہ آسکر کے لیے نامزدگی فخر کی بات ہے تاہم فلم 'زندگی تماشا' آسکر میں پورے پاکستان کی نمائندگی کرے گی، مجھے خود پر اور اپنی ٹیم پر فخر ہے اور میں کمیٹی کا بے حد مشکور ہوں۔