دکاندار نے پانچ سالہ بچے کے اغوا کی کوشش ناکام بنادی

اغوا کار بچے کو اٹھا کر لایا اور چیزیں دلواتا رہا

---

بچہ اغوا کرکے بھکاریوں کو تین ہزار روپے میں بیچنے والے اغوا کار کو دکانداروں نے دھر لیا۔

لاہور کے علاقے ساندہ میں موجود پان شاپ دکانداروں نے پانچ سالہ بچے کے اغوا کی کوشش ناکام بنا دی۔ واقعے کی سی سی ٹی وی فوٹیج ایکسپریس نیوزکو موصول ہوگئی۔

ساندہ کے علاقے میں پان شاپ پر اغوا کار بچے کو اٹھا کر لایا اور چیزیں دلواتا رہا۔ دکاندار کو اغوا کار کی حرکات مشکوک لگی تو اس نے اغوا کار کر روکا جس پر ملزم نے بھاگنے کی کوشش کی۔

دکان دار نے ملزم کو دھر کر پولیس کے حوالے کر دیا۔ ساندہ پولیس نے مقدمہ درج کرکے مزید تفتیش شروع کردی۔علی نامی ملزم نے 4 سالہ حمزہ کو اغوا کرنے کی کوشش کی تھی۔