گھریلو ٹیکسٹائل اورفارما سیوٹیکل مصنوعات کی برآمدات میں 20 فی صد اضافہ

گزشتہ سال کے مقابلے میں نومبر کے دوران برآمدات میں اضافہ ہوا، مشیر تجارت نے ٹوئٹر پر تفصیلات جاری کردیں(فوٹو، فائل)

---

مشیر تجارت عبدالرزاق داؤد نے کہا ہے کہ نومبر 2020 میں گزشتہ سال کے مقابلے میں گھریلو ٹیکسٹائل کی برآمدات میں 20 فیصد اضافہ ہوا ہے۔

اپنے ٹوئٹ میں مشیر تجارت نے بتایا کہ فارما سیوٹیکل مصنوعات کی برآمدات میں 20 فی صد اور چاول کی برآمدات میں 14 فیصد اضافہ ہوا۔ سرجیکل آلات کی برآمدات میں 11 فیصد کا نمایاں اضافہ دیکھا گیا۔

I am glad to share that in the provisional figures for Nov 2020, significant growth has been seen in the exports of Home Textiles (20%), Pharmaceutical products (20%), Rice (14%), Surgical Goods (11%), Stockings & Socks (41%), Jerseys & Pullovers (21%)…1/2

— Abdul Razak Dawood (@razak_dawood) December 3, 2020

مشیر تجارت نے بتایا کہ جرابیں 41 فیصد، جرسی اور پل آور کی برآمدات میں 21 فیصد کا اضافہ ہوا ہے۔ اسی طرح خواتین کے لباس کی برآمدات میں 11 فی صد اور مردوں کے لباس میں 4 اعشاریہ 3 فیصد اضافہ ہوا۔

ان کا کہنا تھا کہ یہ رجحان ویلیو ایڈڈ برآمدات کو فروغ دینے کی ہماری پالیسی کے مطابق ہے۔