لاہور میں بچے سے زیادتی و قتل میں ملوث ملزمان گرفتار

لاہور کے علاقے گرین ٹاؤن میں معصوم بچے کے قتل میں ملوث درندہ صفت ملزمان کو گرفتار کرلیا گیا۔

ڈی آئی جی انویسٹی گیشن لاہور شارق جمال خان کے نوٹس پر زیادتی اور قتل کے ملزمان کو چند گھنٹوں میں گرفتار کرلیا گیا۔


گرفتار ملزمان میں افرازاور اس کا ساتھی عامر عرف اللہ رکھا شامل ہیں جو مقتول بچے احسان علی کے ہمسائے ہیں۔ انہوں نے معصوم بچے احسان علی کو زیادتی کے بعد گلا کاٹ کر قتل کر دیا تھا۔

وہ بچے کو ورغلاء اور بہلا پھسلا کراپنے گھروں کے درمیان خالی مکان میں لے گئے تھے اور زیادتی کے بعد پکڑے جانے کے ڈر سے معصوم بچے کو چھری سے گلا کاٹ کر قتل کر دیا تھا۔ ملزمان نے سنگین واردات کے بعد بچے کے ایکسیڈنٹ کا ڈرامہ رچا دیا تھا۔