کورونا وائرس انگلینڈ اور جنوبی افریقا کے درمیان ون ڈے سیریز ملتوی

پہلا ون ڈے 2 بار ری شیڈول کرنے کے بعد دورہ ملتوی کرنے کا فیصلہ کیا گیا۔ فوٹو : فائل

---

کورونا وائرس کی وجہ سے انگلینڈ نے جنوبی افریقا کا دورہ ملتوی کردیا۔

انگلینڈ اور جنوبی افریقا کے کھلاڑیوں میں کورونا وائرس کے کیسز سامنے آنے کے بعد انگلش ٹیم نے دورہ جنوبی افریقا ملتوی کردیا ہے، پہلا ون ڈے 2 بار ری شیڈول کرنے کے بعد دورہ ملتوی کرنے کا فیصلہ کیا گیا۔

The ECB and CSA have agreed to postpone the remaining matches in the current men’s ODI Series.

— England Cricket (@englandcricket) December 7, 2020

برطانوی میڈیا کی رپورٹ کے مطابق پہلی بار جنوبی افریقی کھلاڑی اور دوسری بار انگلش ٹیم کے کیمپ سے 2 پازیٹو کیس سامنے آئے جس کے بعد دونوں کرکٹ بورڈز کی مشاورت سے دورہ ملتوی کیا گیا، ون ڈے سیریز کے نا ہونے سے جنوبی افریقی کرکٹ کو 5 لاکھ امریکی ڈالر کا نقصان ہوگا۔

کیپ ٹاؤن کے فائیو اسٹار ہوٹل میں دونوں ٹیمیں ٹھہری ہوئی تھیں تاہم اب انگلش ٹیم کی جمعرات کو وطن واپسی ہوگی۔ ون ڈے سے پہلے انگلینڈ نے جنوبی افریقا کے خلاف تین میچوں کی ٹی ٹوئنٹی سیریز میں کلین سویپ کیا تھا۔