بدبخت بیٹے نے والدین اور بھائی کو پٹرول چھڑک کر آگ لگا دی

چیخ و پکار پر اہالیانِ علاقہ دیواریں پھلانگ کر اندر گئے اور تینوں کو اسپتال پہنچایا۔ فوٹو: فائل

---

گاؤں مدار میں بدبخت بیٹے نے بیوی سے ملکر بوڑھے ماں باپ اور جوان بھائی پر پٹرول چھڑک کر آگ لگادی۔

جنڈیالہ شیرخان کے گاؤں مدار میں بدبخت بیٹے نے بیوی سے ملکر بوڑھے ماں باپ اور جوان بھائی پر پٹرول چھڑک کر آگ لگادی اور گھر کو تالہ لگا کر فرار ہوگئے۔

چیخ و پکار سن کر اہلیانِ علاقہ گھر کی دیواریں پھلانگ مدد کو پہنچے اور ریسکیو 1122کے ساتھ ملکر کر جھلسنے والے افراد 70سالہ والد مجید ، 65 سالہ والدہ نجمہ بی بی اور 23سالہ بھائی ناصر محمود کو ڈی ایچ کیو اسپتال شیخوپورہ منتقل کیا۔

دلخراش واقعہ پر گاوں میں سوگ کی کیفیت ہے جب کہ تھانہ صدر پولیس نیِ تفتیش کا آغاز کردیا۔