سفاک شخص نے بیوی اوردو کم سن بیٹیوں کو فائرنگ کرکے قتل کردیا

ملزم نے گولیاں مار کر بیوی اور دو کم سن بیٹیوں قتل کردیا(فوٹو، فائل)

---

KARACHI: واہ کینٹ میں سفاک شخص نے بیوی اور 2 کم سن بیٹیوں کو گولیاں مار کر قتل کردیا اور موقعے سے فرار ہوگیا۔

ترجمان پولیس کا کہنا تھا کہ ابتدائی تحقیقات کے مطابق قتل کی اندوہ ناک واردات میں ملوث اظہر شاہ نے اپنی بیوی اور دو بیٹیوں کو گھر میں گولیاں ماریں جس سے تینوں موقعے ہی پر جاں بحق ہوگئیں۔ باپ کے ہاتھوں قتل ہونے والی بچیاں 12 اور 8 سال کی ہیں۔

پولیس کا کہنا تھا کہ موقعے سے فرانزک لیبارٹری کی مدد سے شواہد اکھٹے کیے جارہے ہیں۔ تینوں لاشوں کو تحصیل ہیڈکوارٹرز ہسپتال منتقل کیا جائے گا، ملزم کی گرفتاری کے لیے ٹیمیں تشکیل دی جارہی ہیں، ابتدائی تحقیقات میں قتل کی وجہ معلوم نہیں ہوسکی۔