ISLAMABAD:
گارمنٹس فیکٹری میں بوائرل پھٹنے سے 2 مزدور جاں بحق جبکہ 13 زخمی ہوگئے۔
ایکسپریس نیوز کے مطابق سرگودھا روڈ پر واقع گارمنٹس فیکٹری میں اچانک بوائلر پھٹ گیا جس کے نتیجے میں 2 مزدور موقع پر ہی جاں بحق جبکہ 13 زخمی ہوگئے، ریسکیو ٹیموں نے موقع پر پہنچ کر زخمیوں کو اسپتال منتقل کردیا جبکہ فیکٹری میں موجود دیگر مزدوروں کی تلاش کے لئے ریسکیو آپریشن شروع کردیا گیا جس میں جائے وقوعہ پر موجود افراد نے بھی حصہ لیا، بوائلر پھٹنے کے باعث فیکٹری کے متاثرہ حصے میں آگ لگ گئی جسے بجھانے کے لئے فائر بریگیڈ کو طلب کیا گیا جس نے موقع پر پہنچ کر آگ پر قابو پالیا۔
واضح رہے کے کسی فیکٹری میں بوائلر پھٹنے کا یہ کوئی پہلا واقعہ نہیں، اس سے قبل بھی متعدد فیکٹریوں اور کارخانوں میں ایسے واقعات پیش آچکے ہیں تاہم اس کے باوجود بھی احتیاط نہیں کی جاتی جس کے باعث میں معصوم جانیں ضائع ہوجاتی ہیں۔