اداکارہ زرنش خان سرجری کے لیے اسپتال میں داخل

اداکارہ کی مداحوں سے دعاؤں کی درخواست تاہم سرجری سے متعلق بتانے سے گریزاں۔ فوٹو : فائل

---

اداکارہ زرنش خان سرجری کے لیے اسپتال میں داخل ہوگئی ہیں اور انہوں نے مداحوں سے دعاؤں کی درخواست کی ہے۔

پاکستانی ڈرامہ انڈسٹری میں بہت ہی کم عرصے میں نام بنانے والی اداکارہ زرنش خان کو سرجری کے لیے اسپتال منتقل کردیا گیا ہے اور انہوں نے مداحوں سے دعاؤں کی درخواست کی ہے۔

View this post on Instagram

A post shared by Zarnish Khan (@xarnishkhan)

سماجی رابطے کی سائٹ انسٹاگرام پر ایک پوسٹ میں زرنش خان نے کہا کہ اچانک ایک چھوٹی سی سرجری کے باعث اسپتال میں داخل ہونا پڑا تاہم آپ سب میری جلد صحتیابی کے لیے دعا کریں۔

اداکارہ نے انسٹاگرم پر تصویر بھی ڈالی جس میں دیکھا جاسکتا ہے کہ زرنش خان نے مریضوں والا لباس پہنا ہوا ہے تاہم انہوں نے یہ نہیں بتایا کہ انہیں کیا بیماری ہے اور ان کی سرجری کس چیز کی ہورہی ہے۔