لائن آف کنٹرول پربھارتی فوج کی گولہ باری پاک فوج کا موثرجواب

بھارتی فوج نے تتہ پانی اورکھوئی رٹہ سیکٹر میں شہری آبادی کو نشانہ بنایا

ویب ڈیسک December 10, 2020

گولہ باری سےعلاقے میں شدید خوف وہراس پھیل گیا جب لپ شہری بھی محصورہوگئے

بھارتی فوج نے ایک مرتبہ پھر لائن آف کنٹرول پر گولہ باری کرکے شہری آبادی کو نشانہ بنایا ہے۔

ایکسپریس نیوز کے مطابق لائن آف کنٹرول پر تتہ پانی اورکھوئی رٹہ سیکٹر میں بھارتی فوج کی جانب سے بلا اشتعال گولہ باری سے شہری آبادی کو نشانہ بنایا گیا جس سے ایک خاتون زخمی ہوگئیں۔ گولہ باری سےعلاقے میں شدید خوف وہراس پھیل گیا جب کہ شہری بھی محصورہوگئے۔

دوسری جانب بھارتی اشتعال انگیزی پر پاک فوج کی جانب سے بھی دشمن کومنہ توڑ جواب دیا گیا۔

گزشتہ روز بھی بھارتی فوج نے کھوئی رٹہ سیکٹرمیں سیزفائرکی خلاف ورزی کرتے ہوئے اشتعال انگیزی کی تھی جس سے دو جوان شہید ہوگئے تھے۔

واضح رہے کہ بھارت میں گزشتہ کئی روز سے کسانوں کی جانب سے احتجاج کیا جارہا ہے جس کے پیش نظر مودی سرکاردنیا بھر سے شدید تنقید کی جارہی ہے ، بھارت نے اپنے عوام کی توجہ داخلی صورت حال سے ہٹانے کے لیے ورکنگ باؤنڈری اورایل او سی پر بڑے پیمانے پر فوجی سرگرمیاں تیز کردی ہیں۔